JOSHUA 6:22 - Khasi CL Bible (BSI)

²² Nangta u Joshua u ong ïa ki ar ngut ki rangbah kiba la shakri kum ki nongsyntiat, “Khie leit sha ka ïing jong ka nuti bad wan ïalam ïa ka bad ïa ka longïing longsem jong ka, kumba phi la kular ïa ka.”

KA BAIBL

²² Hynrei, u Joshua u la ong ha kita ki ar ngut ki briew kiba la leit ban syntiat ïa kata ka ri, “Khie leit ha ka ïing kata ka nuti, bad wallam noh nangta ïa kata ka briew, bad ïa baroh ba ka don, kumba phi la smai ha ka.”

JOSHUA 6:22 ပူးပေါင်းရင်းမြစ်များ

2 SAMUEL 21:2

(Ki paid Gibeon kim dei ki Israel; ki dei ka kynhun barit ki Amor ïa kaba ki Israel ki la kular ban ïada, hynrei u Saul u la pyrshang ban pynjot ïa ki namar ka jingshitrhem na ka bynta ki paid Israel bad Judah.)

2 SAMUEL 21:7

Hynrei namar ka kular kaba kyntang kaba ma u bad u Jonathan ki la pynlong uwei ïa uwei pat, u Dabid u la pyllait ïa u Mephibosheth, u khun jong u Jonathan bad u ksiew jong u Saul.

SALM 15:4

U ibeiñ ïa kito kiba U Blei u la kyntait, hynrei u ai burom ïa kito kiba kohnguh ïa U Trai. U ïai pyndep ïa kaei kaba u kular, kam pher katno ka shongdor.

ESEKIEL 17:13

U la shim ïa uwei na ka longïing jong u syiem, u la pynlong ka jingïateh lok bad u, bad u la pynlong ïa u ban smai ban long uba ïaineh skhem. U la rah koidi ïa ki rangbah badonkam

ESEKIEL 17:16

“Kumba da shisha nga long U Blei uba im,” U Trai Nongsynshar u la ong, “une u syiem un ïap ha Babilonia namar u la pynkheiñ ïa la ka jingsmai bad ka jingïateh lok bad u syiem ka Babilonia, uba la buh ïa u halor ka khet.

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

JOSHUA 6:17

Ïa ka nongbah bad baroh kiba don ha ka dei ban pynjot thiaw kum ka jingainguh ha U Trai. Tang ïa ka Rahab ka nuti bad ïa ka longïing longsem jong ka yn pyllait im, namar ka la pynrieh ïa ki nongsyntiat jong ngi.

JOSHUA 6:23

Kumta ki leit bad wan ïalam ïa ka Rahab, lem bad ïa u kpa bad ka kmie jong ka, ki hynmen ki para jong ka, bad ki ba-ha-ïing ha-sem jong ka kiba dang sah. Ki shim ïa ki baroh, ki longïing longsem bad ki mraw, sha ka jaka bashngain hajan ka jaka shong dara ki Israel.

JOSHUA 9:15

U Joshua u pynlong ka jingïateh lok bad ki briew jong ka Gibeon bad u la shah ïa ki ba kin im. Ki nongïalam jong ka kynhun ki Israel ki ai ka jingkular skhem ba kin bat ïa kata ka jingïateh lok.

NONGBISHAR 1:25

Kumta u la pyn-i ïa ki, bad ki paid Ephraim bad Manasseh ki la pynïap ïa uwei pa uwei hapoh ka nongbah, lait tang une u briew bad ka longïing jong u.