JOSHUA 6:21 - Khasi CL Bible (BSI)

²¹ Da ki waitlam jong ki, ki pynïap ïa uwei pa uwei hapoh ka nongbah, ki rangbah bad ki kynthei, ki samla bad ki tymmen. Ki la pynïap lut ruh ïa ki jingri, ki langbrot, bad ki kada.

KA BAIBL

²¹ Bad ki la pynjot thiaw ïa baroh ba la don ha kata ka shnong, shynrang bad kynthei, khynnah bad tymmen, bad masi dab, bad langbrot, bad kadda, da ka syrti waitlam.

JOSHUA 6:21 ပူးပေါင်းရင်းမြစ်များ

1 SYIEM 20:42

Nangta u nongïathuhlypa u ong ha u syiem, “Kane ka dei ka ktien U Trai: ‘Namar ba me la shah ïa u briew ban lait phet ïa uba nga la hukum ban pynïap, men hap ban siew da la ka jingim, bad ïa ka kynhun shipai jong me yn pynjot namar ba la pyllait ïa ka kynhun shipai jong u ban lait phet.’ ”

JEREMAÏAH 48:18

Phi kiba shong ha Dibon, to hiar noh na ka jaka badonburom jong phi bad shong ha khyndew ha u pui pui; u nongpynjot ka Moab u don hangne bad u la ieh ïa ki kut jong ka ha ki jingjot.

DEUTERONOMI 13:16

Lumlang ïa ki jingdon jingem jong ki briew baroh kiba shong hangta bad kynton ïa ki ha ka madan shnong. Nangta thang ïa kata ka shnong bad ïa kata ka spah ka phew baroh kum ka jingainguh thang sha U Trai U Blei jong phi. Ka dei ban sah junom ha ka jingjot bad ym dei ban tei pat.

DEUTERONOMI 2:34

Ha kajuh ka por ruh ngi la ïohknieh bad pynjot ïa kawei pa kawei ka shnong, bad ngi la pynïap lut ïa uwei pa uwei u briew, shynrang bad kynthei bad khynnah khlem pynsah ei ei shuh.

DEUTERONOMI 7:16

Pynjot ïa kawei pa kawei ka jaitbynriew kat ïa kaba U Trai U Blei jong phi u aiti ha phi, bad wat sngewsynei ïa ki. Wat mane ïa ki blei jong ki, namar kata kan long ka jingma ïa me.

JOSHUA 10:28

U Joshua u la tur ïaleh bad kurup ïa ka Makkedah bad ïa u syiem jong ka ha kata ka sngi. U pynïap ïa uwei pa uwei u briew ha ka nongbah; ym don uwei ruh uba lait im. U leh ïa u syiem ka Makkedah kumba u la leh ïa u syiem ka Jerikho.

JOSHUA 10:39

U la kurup ïa ka bad ïa u syiem jong ka, bad ïa baroh ki shnong kiba markhap. Ki pynïap lut ïa uwei pa uwei hangta. U Joshua u la leh ïa ka Debir bad ïa u syiem jong ka kumba u la leh ïa ka Hebron bad ïa ka Libnah bad u syiem jong ka.

JOSHUA 11:11

Ki la pynïap ïa uwei pa uwei uba don hangta, ym don shuh uwei ruh uba dang lait im, bad la thang ruh ïa ka nongbah.

JOSHUA 11:14

Ki paid Israel ki la shim ïa ki markordor baroh bad ïa ki jingri jingdup na kine ki nongbah bad ki la buh ïa ki na ka bynta ïa lade. Hynrei ki la pynïap ïa uwei pa uwei u briew; ym don uwei ruh uba lait im.

JOSHUA 8:2

Men leh ïa ka Ai bad ïa u syiem jong ka kumba me la leh ïa ka Jerikho bad u syiem jong ka, hynrei ha kane ka sien me lah ban bat ha lade ïa ki mar ki mata bad ïa ki jingri jong ka na ka bynta ïa lade. Pynkhreh ban tur ïaleh ïa ka nongbah da ka jingkyndit na lyndet jong ka.”

JOSHUA 8:22

Ki Israel kiba hapoh ka nongbah mynta ki wan hiar ban ïasoh lem ha ka thma. Kumta ki rangbah jong ka Ai ki shem ïa lade ba ki la shah kerkut ha ki Israel, bad ba ki la shah pynïap lut. Ym don uwei ruh uba lait im, bad ym don uwei ruh uba lait na kata lait tang u syiem jong ka Ai.

JOSHUA 9:3

Hynrei ki paidbah jong ka Gibeon, kiba dei ki Hib, ki la ïohsngew ïa kaei kaba u Joshua u la leh ïa ka Jerikho bad ïa ka Ai,

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”

1 SAMUEL 15:8

u la kem im ïa u Agag, u syiem Amalek bad u la pynïap ïa ki briew baroh.