JOSHUA 6:17 - Khasi CL Bible (BSI)

¹⁷ Ïa ka nongbah bad baroh kiba don ha ka dei ban pynjot thiaw kum ka jingainguh ha U Trai. Tang ïa ka Rahab ka nuti bad ïa ka longïing longsem jong ka yn pyllait im, namar ka la pynrieh ïa ki nongsyntiat jong ngi.

KA BAIBL

¹⁷ Te kata ka shnong kan long kaba la tim ha U Trai, ma ka bad baroh katba don ha ka: tang ka Rahab ka nuti kan im, ma ka bad baroh kiba bad ka ha ïing, namar ka la buhrieh ïa kita ki nonglam-ktien kiba ngi la phah.

JOSHUA 6:17 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

ESRA 10:8

Lada don mano mano u bym wan hapoh lai sngi, ïa ka jingdon jingem jong u baroh yn knieh noh, bad un duh ïa la ka hok ban long u dkhot ka imlang ka sahlang.

ISAÏAH 34:6

Ïa ka waitlam jong u yn tap da ka snam bad ka khleiñ jong ki, kum ka snam bad ka khleiñ jong ki langbrot bad ki blang ïa kiba la kñia. U Trai un pynlong ïa kane ka jingkñia ha ka nongbah Bosrah; un pynlong ïa kane ka jingpynïap bakhraw ha ka ri ki Edom.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

ESEKIEL 39:17

U Trai Nongsynshar u ong ha nga, “Ko khun u briew, to khot ïa ki sim bad ki mrad baroh kiba ha khlaw, ban ïawan na baroh sawdong ban ïabam ïa ka jingkñia kaba nga pynkhreh na ka bynta jong ki. Kan long ka jingkhawai kaba heh ha ki lumbah Israel, ba kin ïabam ïa ka doh bad dih ïa ka snam.

LEBITIKOS 27:21

Ha kawei pat ka Snem ka Jingpynphai pat, kata ka lyngkha kan long ka jaka jong U Trai junom; kan long noh ka jong ki lyngdoh.

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

1 KORINTH 16:22

Uno uno u bym ieit ïa U Trai — to long ka jingtim ïa u! Marana tha — U Trai jong ngi, u wan!

1 KORINTH 2:7

Ka jingstad kaba nga pynbna ka long ka jingstad barieh jong U Blei, ïa kaba la buhrieh na u bynriew, hynrei, ïa kaba u la jied lypa na ka bynta ka burom jong ngi wat ha shuwa ba yn pynlong ïa ka pyrthei.

GALATIA 3:10

Kita kiba shaniah ha kaba kohnguh ïa ka Hukum ki im hapoh ka jingtim. Naba ka Jingthoh Bakhuid ka ong, “Uno uno ruh u bym ïai kohnguh ïa baroh kaba la thoh ha ka kitab ka Hukum u long hapoh ka jingtim U Blei!”

GALATIA 3:12

Hynrei ka Hukum kam don ei ei ban leh bad ka jingngeit. Pynban kumba ka Jingthoh Bakhuid ka ong, “Jar uba leh ïa baroh ïa kaba ka hukum ka dawa un ïoh im.”

DEUTERONOMI 20:17

Pynduh khoit ïa kita ki jaitbynriew baroh: ïa ki Hit, ki Amor, ki Kanaan, ki Peris, ki Hib, bad ki Jebus, kumba U Trai u la hukum ïa phi.

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JAKOB 2:25

Ka la long kumjuh ruh bad ka Rahab kaba long ka nuti. La pynksan ïa ka ha U Blei lyngba ki kam jong ka, mynba ka la pdiang sngewbha ïa ki Israel kiba la wan syntiat bad ïarap ïa ki ban lait phet na kawei pat ka lynti.

JOSHUA 2:1

Nangta u Joshua u la phah ar ngut ki nongsyntiat na ka jaka shong dara ha Akasia lem bad ka hukum ba kin leit bad swar jar jar ïa ka ri Kanaan, khamtam eh ïa ka nongbah Jerikho. Haba ki la poi ha ka nongbah, ki la leit ban sahmiet ha ka ïing jong ka nuti kaba kyrteng ka Rahab.

JOSHUA 2:22

Ki nongsyntiat ki la leit sha ki lumrit bad rieh. Ki briew jong u syiem ki la wad ïa ki kylleng ka rudnong haduh lai sngi, hynrei kim shem ïa ki, kumta ki leit phai noh sha Jerikho.

JOSHUA 7:1

Ïa ka jinghukum U Trai ïa ki Israel ban ym shim na Jerikho ïa kaei kaei kaba dei ban pynjot thiaw, ym shym la kohnguh. U briew uba kyrteng u Akhan um shym la kohnguh ïa kata ka hukum, bad kumta U Trai u la bitar lep ïa ki Israel. (U Akhan u dei u khun jong u Karmi bad u ksiew jong u Sabdi, bad uba na ka kur Serah, kaba long shi bynta na ka jait Judah.)

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”

1 SAMUEL 15:6

U la phah ka jingmaham sha ki Ken, ki briew kiba ki kpa tymmen jong ki, ki la lehsbun ïa ki Israel mynba ki wan na Ijipt: “Khie leit bad iehnoh ïa ki Amalek, ba kumta ngan ym pynïap ïa phi lem bad ki.” Kumta ki Ken ki mihnoh.