JOSHUA 5:9 - Khasi CL Bible (BSI)

⁹ U Trai u ong ha u Joshua, “Ha kane ka sngi nga la weng noh na phi ïa ka jingjahburom ka jinglongmraw ha Ijipt.” Namar kata la khot kyrteng ïa ka jaka, ka Gilgal, ka kyrteng kaba ka dang don.

KA BAIBL

⁹ Te U Trai u la ong ha u Joshua, “Ha kane ka sngi nga la pyntyllun noh na phi ïa ka rain ka Ijipt.” Namar kata, u la kyrteng ïa kata ka jaka “ka Gilgal,” haduh mynta.

JOSHUA 5:9 ပူးပေါင်းရင်းမြစ်များ

JENESIS 34:14

Ki ïa-ong, “Ngim lah ban ai ïa la ka jong ka para ba kan ïashongkurim bad u briew u bym shym la otsher; kata kan long ka jingjahburom ïa ngi.

2 SAMUEL 19:15

Ha ka jingleit phai jong u, ki rangbah ka Judah kiba la wan sha Gilgal ban synran ïa u sha shiliang ka wah, ki la ïakynduh ïa u ha ka wah Jordan.

NEHEMAÏAH 12:29

bad na Bethgilgal, Geba, bad Asmabeth.

SALM 119:39

To pyllait ïa nga na ki jingibeiñ kiba nga sheptieng; A katno kiba phylla long ki jingbishar jong me!

JEREMAÏAH 9:25

U Trai u ong, “Ka por ka wan haba ngan pynshitom ïa ki briew ka Ijipt, ka Judah, ka Edom, ka Ammon, ka Moab, bad ki briew ka ri shyiap, kiba la ot lyngkot ïa ki shñiuh jong ki. Kine ki briew baroh ki long kiba la otsher, hynrei ki bym shym la bat ïa ka jutang kaba ka thmu. Ym don mano mano na kine ki briew bad ym don mano mano na ki paid Israel kiba la bat ïa kane ka jutang jong nga.”

ESEKIEL 23:3

Mynba ki dang samla, ki shong ki sah ha Ijipt, ki la duh noh ka jinglong sotti bad ki kylla long ki nuti.

ESEKIEL 23:8

Ka ïai bteng na kaei kaba ka la sdang kum ka nuti ha Ijipt, hangta ha kaba la duh noh ïa la ka jinglong sotti. Naduh ka por ba ka long ka samla ba dang khynraw, ki rangbah ki la ïathiah bad ka bad leh ïa ka la kum ka nuti.

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

LEBITIKOS 24:14

“Pynmih ïa uto u briew shabar ka jaka shong dara. Uno uno u briew uba la ïohsngew ïa u ba u tim u tla un sakhi ïa kata da kaba u buh ïa la ki kti ha ka khlieh jong u, bad nangta u paidbah baroh un lynthem maw ïa u haduh ba un da ïap.

AMOS 5:5

Wat leit sha Beersheba ban mane Blei. Wat pyrshang ban wad ïa nga ha Bethel — ka Bethel kan ym long ei ei. Wat leit sha Gilgal — ïa ki briew jong ka la tim ba kin shah ringmraw.”

MIKAH 6:5

Ko ki briew jong nga, to kynmaw ïa kaei kaba u Balak u syiem ka Moab u la thmu ban leh ïa phi bad kumno u Balaam u khun jong u Beor u la jubab ïa u. To kynmaw ïa kiei kiei kiba la jia ha lynti na ka jaka shong dara ha Akasia sha Gilgal. To kynmaw ïa kine kiei kiei bad phin shem ïa kaei kaba nga la leh ban pyllait im ïa phi.”

SEPHANAÏAH 2:8

U Trai Badonbor Baroh u ong, “Nga la ïohsngew ba ki briew jong ka Moab bad Ammon ki krenbeiñ bad ki pynsalia ïa ki briew jong nga, bad ki kren khraw ba kin kurup ïa ka ri jong ki.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

JOSHUA 4:19

U paidbah u la jam ïa ka Jordan ha ka sngi kaba shiphew jong u bnai uba nyngkong bad ki la shong dara ha Gilgal, ha ka phang mihngi jong ka Jerikho.

JOSHUA 5:8

Hadien ba la pyndep ïa ka jingotsher, ka jaitbynriew baroh kawei ka sah ha kata ka jaka shong dara haduh ba ki jingmong kin da khiah.

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.

1 SAMUEL 7:16

Man ka snem u ju leit sha Bethel, sha Gilgal, bad sha Mispah, bad ha kine ki jaka u pynbeit ïa ki jingïakajia.