JOSHUA 5:14 - Khasi CL Bible (BSI)

¹⁴ “Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”

KA BAIBL

¹⁴ Te u la ong, “Em; hynrei kum u kaptan jong u paidïapom jong U Trai nga la wan mynta.” Bad u Joshua u la dem ngon la ka khmat ha khyndew, bad u la mane, bad u la ong ha u, “U Kynrad jong nga u ong aïu ha la u shakri?”

JOSHUA 5:14 ပူးပေါင်းရင်းမြစ်များ

JENESIS 17:17

U Abraham u dem ngon ha khyndew, hynrei u la sdang ban rkhie haba u pyrkhat, “Hato u briew u lah mo ban ïoh khun haba u la don shispah snem ka rta? Hato ka Sarah ka lah mo ban ïoh khun haba ka la don khyndaiphew snem ka rta?”

JENESIS 17:3

U Abram u dem ngon haduh khyndew; bad U Blei u ong,

2 SAMUEL 7:19

Pynban, mynta me la leh kham bun, A Trai Nongsynshar; me la pynlong ki jingkular shaphang ki khun ki ksiew jong nga ha ki snem ki ban wan. Bad me shah ïa u briew ban ïohi ïa kane, A Trai Nongsynshar!

2 SAMUEL 7:20

Sa kaei shuh nga lah ban ong ha me! Me ithuh ïa nga u shakri jong me.

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

SALM 24:10

Uei une u syiem uba khraw? U Trai uba jop — u dei u syiem uba khraw!

EKSODOS 4:10

Hynrei u Moses u ong, “Em, ko Trai, wat phah ïa nga. Ngam ju long u nongkren ba-pnah, bad ngam shym long kum uwei na kita naduh ba me la sdang ban kren ïa nga. Nga long u bym pnah ban kren, uba suki bad uba thlun.”

EKSODOS 4:13

Hynrei u Moses u jubab, “Em, Kynrad, sngewbha phah noh dano dano.”

ISAÏAH 55:4

Nga la pynlong ïa u, u nongïalam bad u nongai hukum ïa ki jaitbynriew; bad lyngba jong u nga la pyn-i ha ki ïa ka bor jong nga.

ISAÏAH 6:8

Nangta nga la ïohsngew ba U Trai u ong, “Ïano ngan phah? Mano ban long u nonglamktien jong ngi?” Nga la jubab, “Ngan leit! To phah ïa nga!”

ESEKIEL 3:23

Kumta nga la leit sha ka them, bad hangta nga ïohi ïa ka burom U Trai, kumba nga la ïohi ïa ka harud ka wah Khebar.

DANIEL 10:13

U angel jong u khun syiem jong ka hima Persia u la ïaleh pyrshah ïa nga haduh arphew wei sngi. Nangta u Mikhael, uwei na ki angel rangbah, u la wan ban ïarap ïa nga, namar nga la shah iehnoh marwei hangta ha Persia.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 16:45

“Ïeng sharud na kine ki briew, bad ngan pynjot thiaw ïa ki hangto hi.” Baroh ar ngut ki la dem khrup ha khyndew,

JINGKHEIÑ 22:31

Te U Trai u pynshai ïa ki khmat u Balaam ban ïohi ïa u angel uba ïeng hangta bad la ka waitlam; bad u Balaam u la dem khrup ha khyndew.

MATHAÏOS 22:44

“ ‘U Trai u la ong ha U Trai jong nga: To shong hangne ha ka liang ka mon jong nga tad haduh ba ngan buh ïa ki nongshun jong me hapoh ki kjat jong me.’

MATHAÏOS 8:2

Nangta u briew uba shitom na ka jingpang 'ñiangthohlieh u la wan sha u, u la dem khohsiew ha khmat jong u, bad u la ong, “Ko Kynrad, lada me mon, me lah ban pynlong khuid ïa nga.”

LOUKAS 1:43

Balei kane ka jingjia bakhraw ka wan jia ha nga, ba ka kmie jong U Trai jong nga ka wan ban jngoh ïa nga?

LOUKAS 20:42

Naba u Dabid hi u ong ha ka kitab Ki Salm, “ ‘U Trai u la ong ha u Trai jong nga: to shong hangne ha ka liang kamon jong nga

LOUKAS 5:12

Shisien U Jisu u la don ha kawei ka shnong ha kaba la don u briew uba la pang 'ñiangthohlieh. Haba u la ïohi ïa U Jisu u la pyndem khrup ïa lade ha madan bad u la kyrpad ïa u, “Ko kynrad, lada me mon, me lah ban pynlong ïa nga uba khuid!”

ÏOANNIS 20:28

U Thomas u la jubab ïa u, “U Trai jong nga bad U Blei jong nga!”

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

JOSHUA 20:1

Nangta U Trai u ong ha u Joshua

JINGPYNPAW 12:7

Nangta ka thma ka la khie ha bneng. U Mikhael bad ki angel jong u ki la ïaleh pyrshah ïa u Ïakjakor, uba la ïaleh kylliang lem bad ki angel jong u;