JOSHUA 5:13 - Khasi CL Bible (BSI)

¹³ Katba u Joshua u dang don hajan Jerikho, kynsan u ïohi ïa u briew uba ïeng ha khmat jong u, uba bat ïa ka waitlam. U Joshua u leit sha u bad u kylli, “Me dei uwei na ki shipai ngi, ne u nongshun?”

KA BAIBL

¹³ Te haba u Joshua u la hajan ka Jerikho, u la khmied ïa la ki khmat bad u la khmih, te, ha khmih, la ïeng u briew ha marpyrshah jong u la ka talwar ba la sei ha ka kti: te u Joshua u la leit sha u, bad u la ong ha u, “Me ha ka liang jong ngi, ne ha ka liang ki nongïaleh ïa ngi?”

JOSHUA 5:13 ပူးပေါင်းရင်းမြစ်များ

JENESIS 18:1

U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

JENESIS 18:2

Tang mar shu ïohi ïa ki, u mareh ban leit ïashem ïa ki. Da kaba u nguh ngon haduh khyndew, u ong,

JENESIS 28:16

U Jakob u la kyndit thiah, bad u ong, “U Trai u don hangne! U don ha kane ka jaka, bad ngam shym tip ïa kata!”

JENESIS 33:1

U Jakob u ïohi ïa u Iso ba u wan lem bad sawspah ngut ki rangbah. Kumta u pynïabynta ïa ki khun hapdeng ha Leah, ka Rakhel, bad ki tnga kliar ar ngut.

JENESIS 33:5

Haba u Iso u phai sawdong, bad u ïohi ïa ki kynthei bad ïa ki khynnah, u ong, “Kiei kine ki briew kiba bad phi?” U Jakob u jubab, “Kine, kynrad, ki dei ki khun kiba U Blei u la sngewbha eh ban ai ïa nga.”

1 KHRONIKL 12:22

La jan man ka sngi ki riewthymmai ki pynïasoh ïa lade ha ki kynhun shipai u Dabid, kumta ka kynhun shipai jong u ka la nang heh.

1 KHRONIKL 21:27

U Trai u ong ïa u angel ban buh noh sharud ïa ka waitlam jong u, bad u angel u kohnguh.

1 KHRONIKL 21:30

hynrei u Dabid um shym lah ban leit shata ban mane ïa U Blei, namar u la sheptieng ïa ka waitlam jong u angel jong U Trai.

EKSODOS 23:23

U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

DANIEL 10:5

Nga la khmih shajrong bad nga la ïohi ïa uwei uba kup ki jaiñ linen bad u panpoh ksiar nylla.

DANIEL 8:3

bad hangta harud jong ka wah nga la ïohi ïa u langbrot uba la don ar tylli ki reng bajrong, kawei na ki kaba kham jrong bad kham thymmai bad ïa kawei pat.

SEKHARAÏAH 1:8

Nga la ïohi ïa uwei u angel jong U Trai uba shong halor u kulai basaw. U la sangeh hapdeng katto katne tylli ki dieng Martl ha ka them, bad hadien jong u la don sa kiwei pat ki kulai — kiba saw, kiba thohbroin, bad kiba lieh.

JINGKHEIÑ 22:23

Haba kata ka kada ka la ïohi ïa u angel ba u ïeng hangta ba u da bat ïa ka waitlam, ka phet noh na surok bad ka la phai sha ki lyngkha. U Balaam u sympat ïa kata ka kada bad u wan ïalam pat ïa ka sha surok.

JINGKHEIÑ 22:31

Te U Trai u pynshai ïa ki khmat u Balaam ban ïohi ïa u angel uba ïeng hangta bad la ka waitlam; bad u Balaam u la dem khrup ha khyndew.

KI KAM 1:10

Katba ki dang ïaï khmied la ki khmat sha sahit bneng mynba u dang kiew, kynsan ar ngut ki rangbah kiba riam lieh ki la ïeng hajan jong ki bad ki la ong,

JOSHUA 6:2

U Trai u ong ha u Joshua, “Nga buh ha ki kti jong me ïa ka Jerikho, lem bad u syiem jong ka bad ïa ki shipai bashlur jong u baroh.

JINGPYNPAW 1:13

bad napdeng jong ki, la don uba i kum U Khun U Briew, uba kup ka jaiñkup kaba kot haduh ki kjat jong u, bad u don u panpoh ksiar sawdong ka shadem jong u.

NONGBISHAR 13:11

U Manoah u ïeng joit bad u bud ïa la ka tnga. U leit sha uta u briew bad u kylli, “Dei ma phi mo u briew uba la ïakren bad ka tnga jong nga?” “Ho-oid,” u jubab.

NONGBISHAR 13:22

U Manoah u ong ha la ka tnga, “Ngin sa ïap shisha, namar ba ngi la ïohi ïa U Blei!”