JOSHUA 5:10 - Khasi CL Bible (BSI)

¹⁰ Katba ki Israel ki dang shong dara ha Gilgal ha ka pyntha hajan ka Jerikho, ki la rakhe ïa ka Jingkhawai Niam Ka Jinglait ha ka janmiet jong ka sngi kaba khatsaw jong u bnai.

KA BAIBL

¹⁰ Bad ki khun Israel ki la shong dara ha Gilgal; bad ki la rakhe ïa Ka Jingkhawai Ka Jinglait ha ka bakhatsaw sngi jong uta u bnai mynmiet ha ki madan Jerikho.

JOSHUA 5:10 ပူးပေါင်းရင်းမြစ်များ

2 SAMUEL 15:28

Ha kajuh ka por, ngan ap ha ka jaka jam ïa ka wah ha ka ri khlaw tad haduh ba ngan da ïoh khubor na phi.”

EKSODOS 12:11

Phi dei ban ïabam kyrkieh ïa ka, namar phi dei ban riam na ka bynta ban leit jingleit, lem bad ki juti ha ki kjat jong phi bad u diengduh ha ka kti jong phi. Ka dei ka Jingkhawai Niam Ka Jinglait ban pyndonburom ïa nga, U Trai.

EKSODOS 12:18

Naduh ka janmiet jong ka sngi kaba khatsaw jong u bnai uba nyngkong haduh ka janmiet jong ka sngi kaba arphew wei jong uta u bnai, phin ym ïabam ïa u kpu ba la khleh thiat.

EKSODOS 12:6

Nangta, ha ka janmiet jong ka sngi kaba khatsaw jong une u bnai, ki paid Israel baroh kin ïa-pynïap ïa kita ki mrad.

JEREMAÏAH 39:5

Hynrei ka kynhun shipai Babilonia ka la beh nadien jong ki bad kem ïa u Sedekaïah ha ki pyntha hajan ka Jerikho. Te ki la leit ïalam ïa u sha u syiem Nebukhadnessar, uba don ha ka nongbah Riblah ha ka ri Hamath, bad hangta u Nebukhadnessar u la ai ïa ka jingrai halor jong u.

ESEKIEL 12:3

“Mynta, ko khun u briew, to teh ïa ka song kumba u nongphetwir u leh bad mihnoh ha shuwa ban wan ka miet. Ai ba uwei uwei baroh un ïohi ba me mihnoh bad leit sha kawei pat ka jaka. Lehse kito kiba ïeng ïaleh pyrshah kin ïohi ïa me.

LEBITIKOS 23:5

“Ka Niam Ka Jinglait, ïa kaba ju rakhe ban pyndonburom ïa U Trai, ka sdang ha ka por sep sngi ha ka sngi kaba khatsaw jong u bnai uba nyngkong.

MIKAH 6:5

Ko ki briew jong nga, to kynmaw ïa kaei kaba u Balak u syiem ka Moab u la thmu ban leh ïa phi bad kumno u Balaam u khun jong u Beor u la jubab ïa u. To kynmaw ïa kiei kiei kiba la jia ha lynti na ka jaka shong dara ha Akasia sha Gilgal. To kynmaw ïa kine kiei kiei bad phin shem ïa kaei kaba nga la leh ban pyllait im ïa phi.”

JOSHUA 4:19

U paidbah u la jam ïa ka Jordan ha ka sngi kaba shiphew jong u bnai uba nyngkong bad ki la shong dara ha Gilgal, ha ka phang mihngi jong ka Jerikho.

JOSHUA 5:11

Ka sngi kaba bud ka long ka sien banyngkong ba ki ïabam ïa ka jingbam ba la pynmih ha Kanaan: ïa u kew ba la shu sdieh bad ïa u kpu khlem thiat.

JOSHUA 9:6

Nangta ki la leit sha ka jaka shong dara ha Gilgal, bad ki ong ha u Joshua bad ha ki Israel, “Ngi la wan na ka ri kaba jngai. Ngi kwah ïa phi ban ïateh lok bad ngi.”

1 SAMUEL 7:16

Man ka snem u ju leit sha Bethel, sha Gilgal, bad sha Mispah, bad ha kine ki jaka u pynbeit ïa ki jingïakajia.