JOSHUA 4:7 - Khasi CL Bible (BSI)

⁷ phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”

KA BAIBL

⁷ Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”

JOSHUA 4:7 ပူးပေါင်းရင်းမြစ်များ

SALM 111:4

U Trai um shah ïa ngi ban klet noh ïa ki jingleh baphylla jong u; u long uba bha sbun bad uba isynei.

EKSODOS 12:14

Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

EKSODOS 28:12

Buh ïa ki ha ki tyllai tawah tyrpeng jong ka ephod ba kin ïeng na ka bynta ki khat-ar jait Israel. Ha kane ka rukom u Aaron un kit ïa ki kyrteng jong ki ha la ka tyrpeng khnang ba ma nga, U Trai, ngan ïai kynmaw ïa ki briew jong nga.

EKSODOS 30:16

Lum ïa kane ka jingainguh na ki Israel, bad pyndonkam ïa ka ha kaba sumar ïa ka Ïingjaiñ ka Jingdon Ryngkat jong nga. Kane ka khajna ka long ka jingsiew na ka bynta la ka jingim, bad ngan kynmaw ban da ban ker ïa ki.”

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 17:5

Te u diengduh jong uta u briew ïa uba nga la jied un khie lung. Da kumta ngan pynsngap jar ïa ki jingïaikren khñium jong kine ki Israel pyrshah ïa me.”

DEUTERONOMI 16:3

Haba phi bam ïa kane ka jingbam, wat bam ïa u kpu ba la khleh thiat. Hynñiew sngi phin bam ïa u kpu khlem thiat, kumba phi la bam mynba phi la dei ban mihnoh kyrkieh na Ijipt. Bam ïa une u kpu — yn khot ïa u, u kpu ka jingshah shitom — ba katba phi dang im phin ïai kynmaw ïa kata ka sngi mynba phi mihnoh na Ijipt, kata ka jaka ka jingshah shitom.

JOSHUA 4:6

Kine ki maw kin pynkynmaw ïa ki briew ïa kaei kaba U Trai u la leh. Hadien habud, haba ki khun ki kti jong phi ki kylli aïu kine ki maw ki mut,