JOSHUA 4:24 - Khasi CL Bible (BSI)

²⁴ Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”

KA BAIBL

²⁴ ba ki bynriew baroh ha ka pyrthei kin dup ithuh ïa ka kti U Trai, ba ka long kaba don bor; ba kin dup sheptieng ïa U Trai U Blei jong phi junom.”

JOSHUA 4:24 ပူးပေါင်းရင်းမြစ်များ

1 SYIEM 8:40

Ainong ïa uwei pa uwei baroh katba kum ki kam jong u, khnang ba ki briew jong me kin kohnguh ïa me ha ki por baroh katba ki dang im ha kane ka ri ïa kaba me la ai ha ki kpa tymmen jong ngi.

1 SYIEM 8:60

Bad kumta ki jaitbynriew baroh jong ka pyrthei kin tip ba tang U Trai hi u long U Blei — ym don uwei pat.

2 SYIEM 19:19

Mynta, A Trai U Blei jong ngi, to pyllait ïa ngi na ki Assyria, khnang ba baroh ki hima ka pyrthei kin tip ba tang ma me hi, U Trai, me long U Blei.”

2 SYIEM 5:15

U la leit phai pat sha u Elisha lem bad baroh ki rangbah jong u bad u ong, “Mynta nga tip ba ym don uno uno u blei hynrei tang U Blei ki Israel; kumta sngewbha, ko kynrad, pdiang ïa ka jingai sngewbha na nga.”

1 KHRONIKL 29:12

Ka spah baroh ka wan na me; me synshar halor kiei kiei baroh da ka jingkhlaiñ bad ka bor jong me, bad me lah ban pynlong ïano ïano uba khraw bad uba khlaiñ.

Ka Kitab U Job 40:9

Hato me long uba khlaiñ kum ma nga? Hato ka sur jong me ka kyrhuh jam kum ka jong nga?

SALM 106:8

Hynrei u la pynim ïa ki, kumba u la kular, khnang ban pyn-i ïa ka bor bakhraw jong u.

SALM 89:13

A katno uba donbor me long! A katno kaba khraw ka long ka jingkhlaiñ jong me!

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

EKSODOS 14:31

Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

DEUTERONOMI 28:10

Te ki jaitbynriew ka pyrthei kin ïohi ba U Trai u la jied ïa phi ban long ki briew jong u, bad kin sheptieng ïa phi.

DEUTERONOMI 6:2

Katba phi dang im, ma phi bad ki khun ki ksiew jong phi, phi dei ban tiengburom ïa U Trai U Blei jong phi, bad kohnguh ïa ki hukum jong u ïa kiba nga ai ha phi, khnang ba phi lah ban im slem ha kata ka ri.

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.