JOSHUA 3:5 - Khasi CL Bible (BSI)

⁵ U Joshua u ong ha ki paidbah, “Pynkhuid ïa lade, namar lashai U Trai un leh ki kambah hapdeng jong phi.”

KA BAIBL

⁵ Te u Joshua u la ong ha u paidbah, “To pynkyntang ïa lade; namar lashai U Trai un leh ïa ki jingphylla hapdeng jong phi.”

JOSHUA 3:5 ပူးပေါင်းရင်းမြစ်များ

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

SALM 77:15

Da ka bor jong me, me la pyllait im ïa la ki briew, ki khun ki ksiew jong u Jakob bad u Joseph.

SALM 86:10

Me long uba donbor bad me leh ïa kiei kiei kiba phylla, tang ma me hi me long U Blei.

JOEL 2:16

To ïalumlang ïa ki paidbah; to pynkhreh ïa ki na ka bynta ka jingïalang bakyntang; to wallam ki briew ba la tymmen; to ïalumlang ïa ki khynnah bad ki khunlung ruh. Wat kito kiba dang shu dep shongkurim ki dei ban mihnoh na la ka kamra bad ban wan.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

LEBITIKOS 20:7

Pynkyntang khuid ïa lade, naba nga long U Trai U Blei jong phi.

JINGKHEIÑ 11:8

Ka hap ha ka jaka shong dara mynmiet ryngkat bad ka umjer. Ha ka step kaba bud ki briew ki leit kylleng kylleng ban khar ïa ka, ki tylliat ïa ka lane dung pynni ïa ka, bad nangta ki shet bad pynlong kpu stang ïa ka. Ka jingmad ka long kum u kpu ba la shet ha ka umphniang Olib.)

ÏOANNIS 17:19

Bad na ka bynta jong ki nga pynkyntang ïa lade sha me, khnang ba ma ki ruh, ki lah ban long kiba la ïoh pynkyntang da shisha sha me.

JOSHUA 3:13

Haba ki lyngdoh kiba bah ïa ka Synduk ka Jutang U Trai jong ka pyrthei baroh kin ïuh ïa la ki kjat ha um, ka Jordan kan sangeh ban tuid, bad ka um kaba wan tuid na shaneng kan lang shi jaka.”

JOSHUA 3:4

Phim pat ju poi hangta mynshuwa, kumta kin pyn-i ha phi ka lynti ba phin leit. Hynrei wat leit sha jan ka Synduk ka Jutang; pynjngai kumba shi kilomitar nadien jong ka.”

JOSHUA 3:6

Nangta u ong ïa ki lyngdoh ban shim ïa ka Synduk ka Jutang bad leit bad ka ha shuwa ki paidbah. Ki la leh kumba u la ong.

JOSHUA 7:13

Ïeng joit! Pynkhuid ïa u paidbah bad pynkhreh ban wan ha khmat jong nga. Bthah ïa ki ban long kiba la kloi lashai ka sngi, namar ma nga, U Trai U Blei ki Israel nga don kane ban ong: ‘Israel, phi don ha ki jingdon jingem jong phi katto katne kiba nga la hukum ïa phi ban pynjot! Phim lah ban ïeng pyrshah ïa ki nongshun jong phi tad haduh ba phin da lait na kine kiei kiei!’

1 SAMUEL 16:5

“Ho-oid” u jubab. “Nga la wan ban ai ka jingkñia ainguh ha U Trai. Pynkhuid ïa lade, bad wan bad nga.” U ong ruh ïa u Jesse bad ki khun shynrang jong u ban pynkhuid ïa lade, bad u khot sngewbha ïa ki sha kata ka jingkñia.