JOSHUA 3:16 - Khasi CL Bible (BSI)

¹⁶ ka um ka sangeh ban tuid bad ka lang shi jaka, kham jngai na kaba wan tuid ha Adam, ka nongbah hajan ka Sarethan. Ïa ka jingtuid jong ka arsut sha ka Duriaw Baïap la pyndkut, bad u paidbah u la lah ban jam sha shiliang hajan ka Jerikho.

KA BAIBL

¹⁶ te kita ki um kiba hiar na neng ki la ïeng, bad ki la ïeng kum ka kynton, kham sha jngai eh, hajan ka shnong Adam, kaba ha syndah ka Sarethan: bad kita kiba hiar sha ka duriaw ka madan, ka Duriaw Mluh keiñ, ki la duh khoit: kumta, u paidbah u la leit sha shiliang marpyrshah ka Jerikho.

JOSHUA 3:16 ပူးပေါင်းရင်းမြစ်များ

JENESIS 14:3

Kine ki san ngut ki syiem ki la pynlong ka jingïateh lok bad ki la ïasoh lang kum kawei ka kynhun shipai ha ka Them Siddim, kaba long mynta ka Duriaw Baïap.

1 SYIEM 4:12

U Baana, u khun jong u Ahilud: ki nongbah Taanakh, Megiddo, bad baroh ka thain hajan ka Beth Shan, hajan ka nongrit Sarethan, kaba shaphang shathie jong ka Jesreel, haduh ka nongbah Abel Meholah bad ka nongbah Jokmeam

1 SYIEM 7:46

U syiem u phah shna ïa ki baroh ha ka jaka saiñ nar kaba hapdeng Sukkoth bad Sarethan, ha Them Jordan.

SALM 114:3

Ka Duriaw Basaw ka la khmih bad ka phet noh, ka wah Jordan ka la sangeh ban tuid.

SALM 114:5

Kaei kaba la jia, ko Duriaw, ban pynlong ïa pha ban phet noh? Bad ma pha, ko Jordan, balei ba pha sangeh ban tuid?

SALM 29:10

U Trai u synshar halor ki um kiba jylliew; u synshar kum u syiem junom.

SALM 33:7

U lumlang ïa baroh ki duriaw-rit ha kawei ka jaka; u khang ïa ki jingjylliew ka duriaw-bah ha ki ïing jingkynshew.

SALM 66:6

U pynkylla ïa ka duriaw sha ka dewryngkhiang; ki kpa tymmen jong ngi ki la jam lyngba ïa ka wah da ka kjat. Hangta ngi la ïashad kmen namar kaei kaba u la leh.

SALM 74:15

Me la pynlong ïa ki wahduid bad ïa ki umpohliew ban tuid; me la pynrngad ïa ki wahbah.

SALM 77:19

Me la ïaid lyngba ki jingat phyllung; me la jam ïa ka duriaw kaba jylliew, hynrei ïa ki dien'jat jong me ym lah ban ïohi.

SALM 78:13

U la kad arliang ïa ka duriaw bad u la ïalam ïa ki lyngba jong ka; u la pynlong ïa ki um ban ïeng kum ki kynroh.

EKSODOS 14:21

U Moses u kner ïa la ka kti halor ka duriaw, bad U Trai u kyndat ïa kata ka duriaw da ka lyer mihngi kaba jur. Kata ka lyer ka beh jur baroh shi miet bad ka pynlong dewryngkhiang ïa ka duriaw.

EKSODOS 14:22

Ïa ki um la kad arliang, bad ki Israel ki ïaid lyngba ïa kata ka duriaw ha ka khyndew kaba rkhiang, katba kita ki um ki long kum ki kynroh ha baroh arliang.

EKSODOS 14:29

Hynrei ki Israel ki ïaid lyngba ïa ka duriaw ha ka khyndew kaba rkhiang, katba ki um ki ïeng kum ki kynroh na baroh arliang.

EKSODOS 15:8

Me la pyrsad ïa ka duriaw bad ka um ka kynton shajrong eh; ka ïeng beit thik kum ka kynroh; ka bynta bajylliew tam jong ka duriaw ka kylla eh.

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

ESEKIEL 47:8

U la ong ïa nga, “Kane ka um ka tuid lyngba ka ri shaphang mihngi bad sha ka Them Jordan bad sha ka Duriaw Baïap. Haba ka tuid sha ka Duriaw Baïap, ka pynmih bujli ïa ka um mluh jong kata ka duriaw da ka um kaba bha.

NAHUM 1:4

U hukum ïa ka duriaw, bad ka rngad! U pynlong ïa ki wah ban tyrkhong. Ki pyntha jong ka Bashan ki swai, u lumbah Karmel u kylla bthuh, bad ki syntiew jong u Lebanon ki jlop.

HABAKKUK 3:8

Hato la dei ki wah kiba la pynlong ïa me ban bitar, A Trai! Hato la dei ka duriaw kaba la pynlong ïa me ban bitar shla? Me shong kulai halor ki lyoh; u lyoh ka 'erïong u la long ka kali ïapom jong me, mynba me la wallam jingjop ha la ki briew.

JINGKHEIÑ 34:3

U pud uba shaphang shathie un ïar naduh ka ri khlaw Sin ter ter ïa u pud ka Edom. Un sdang na shaphang mihngi ha ka tduh kaba shathie jong ka Duriaw Baïap.

DEUTERONOMI 1:1

Ki ktien ha kane ka kitab ki long kito kiba u Moses u la kren ha ki Israel mynba ki don ha ka ri khlaw sha mihngi na ka wah Jordan. Ki ïadon ha ka Them Jordan hajan Suph, hapdeng ka shnong Paran ha kawei ka liang bad ki shnong Tophel, Laban, Haseroth, bad Disahab ha kawei pat ka liang.

DEUTERONOMI 3:17

Shaphang sepngi, ka ri jong ki ka poi haduh wah Jordan, naduh ka pung Galilaïa shaphang shatei, arsut haduh ka Duriaw Baïap shaphang shathie, bad nangta shaduh ka kjat lum Pisgah shaphang mihngi.

JOSHUA 12:3

ka kynthup ïa ka Them Jordan naduh Duriaw Galilaïa arsut shaduh Beth Jeshimoth (shaphang mihngi jong ka Duriaw Baïap) bad sha trai jong u Lum Pisgah.

JOSHUA 15:2

Kane ka pud bashaphang shathie ka sdang na ka tduh kaba shathie jong ka Duriaw Baïap,

JOSHUA 16:7

Nangta u hiar arsut na Janoah sha Ataroth bad Naarah, u poi haduh ka Jerikho bad kut ha ka Jordan.

JOSHUA 3:13

Haba ki lyngdoh kiba bah ïa ka Synduk ka Jutang U Trai jong ka pyrthei baroh kin ïuh ïa la ki kjat ha um, ka Jordan kan sangeh ban tuid, bad ka um kaba wan tuid na shaneng kan lang shi jaka.”

JOSHUA 4:22

phin ïathuh ha ki shaphang ka por mynba ki Israel ki la jam ïa ka Jordan halor ka dewryngkhiang.

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

NONGBISHAR 7:22

Katba ki rangbah jong u Gideon ki dang put ïa la ki turoi, U Trai u la pynlong ïa ki kynhun shipai jong ki nongshun ban tur ïaleh para ma ki da la ki waitlam. Ki la mareh sha Sarethan haduh Beth Shittah, haduh ka nongrit jong ka Abel Meholah hajan ka Tabbath.