JOSHUA 24:31 - Khasi CL Bible (BSI)

³¹ Katba u Joshua u dang im, ki paid Israel ki la shakri ïa U Trai, bad hadien ka jingïap jong u, ki dang bteng ban leh kumta katba dang im kito ki nongïalam kiba la ïohi da lade hi ïa kaei kaei baroh kaba U Trai u la leh na ka bynta ki Israel.

KA BAIBL

³¹ Bad ki Israel ki la shakri ïa U Trai baroh ki sngi u Joshua, bad baroh ki sngi ki tymmen basan kiba la im hadien u Joshua, bad kiba la tip ïa ki kam U Trai baroh, ïa kiba u la leh na ka bynta ki Israel.

JOSHUA 24:31 ပူးပေါင်းရင်းမြစ်များ

JENESIS 14:10

Ka them ka la dap da ki thliew bsiang; bad haba ki syiem jong ka Sodom bad ka Gomorrah ki la pyrshang ban phet ïap na ka thma, ki la hap ha kita ki thliew; hynrei ki lai ngut kiwei pat ki syiem ki la phet ïap sha ki lumbah.

2 KHRONIKL 24:2

U la leh ïa kaei kaba pynsngewbha ïa U Trai katba u Jehoïada u lyngdoh u dang im.

2 KHRONIKL 34:33

U syiem Josaïah u pynjot ïa baroh ki bleithaw ba-ijli kiba don ha ka ri kaba dei jong ki paid Israel, bad katba u dang im, u dawa ba ki briew kin shakri ïa U Trai, U Blei jong ki kpa tymmen jong ki.

KI KAM 20:29

Nga tip ba hadien ba nga leit noh, ki suri barunar sat kin wan hapdeng jong phi, bad kin ym map ïa ka kynhun.

DEUTERONOMI 11:2

Kynmaw mynta ïa kaei kaba phi la tip shaphang U Trai lyngba ki jingïashem jong phi bad u. Dei ma phi, ym ki khun ki kti jong phi kiba la ïohmad ïa kine ki jingïashem. Phi la ïohi ïa ka jingkhraw jong u, ïa ka bor jong u, bad ïa ka jingkhlaiñ jong u, bad ïa ki kambah jong u.

DEUTERONOMI 11:7

Ho-oid, phi dei kito kiba la ïohi ïa kine ki kambah baroh kiba U Trai u la leh.

DEUTERONOMI 31:13

Ha kane ka rukom ki khun ki ksiew jong phi ki bym pat ju ïohsngew ïa ka Aiñ U Trai U Blei jong phi kin ïohsngew ïa ka. Te kin sa nang ban kohnguh ïa u katba ki dang im ha kata ka ri kaba phin ïohkynti ha shiliang ka Jordan.”

DEUTERONOMI 31:29

Nga tip ba hadien ka jingïap jong nga, phin sa leh ïa ki kam bymman bad kyntait ïa kaba nga la hikai ïa phi. Bad ha ki sngi ki ban wan ka jingjynjar kan ngat ha phi, namar ba phin pynbitar ïa U Trai da kaba phi leh ïa kata kaba u la adong.”

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

NONGBISHAR 2:10

Kata ka pateng bynriew baroh ka la ïap, bad ka pateng bynriew kaba bud ka la klet ïa U Trai bad ïa kaei kaba u la leh na ka bynta ki Israel.

NONGBISHAR 2:6

U Joshua u la phah ïa ki paid Israel ha la ka lynti, bad uwei pa uwei u briew u la leit ban shim kynti ïa la ka bhah jong ka ri.

NONGBISHAR 2:7

Katba u Joshua u dang im, ki paid Israel ki shakri ïa U Trai, bad wat hadien ka jingïap jong u ki ïai leh kumta katba dang im ki nongïalam kiba la ïohi da lade ïa kiei kiei kiba khraw kiba U Trai u la leh na ka bynta ki Israel.