JOSHUA 24:26 - Khasi CL Bible (BSI)

²⁶ U Joshua u thoh ïa kita ki hukum ha ka kitab Ka Aiñ U Blei. Nangta u la shim uwei u maw uba heh, bad u pynïeng ïa u hapoh u dieng Sning ha ka jaka kyntang jong U Trai.

KA BAIBL

²⁶ Bad u Joshua u la thoh ïa kine ki ktien ha Ka Kitab Ka Hukum U Blei; bad u la shim ïa u maw bakhraw, bad u la pynïeng ïa u hangta hapoh u dieng Sning uba hajan ka jaka kyntang U Trai.

JOSHUA 24:26 ပူးပေါင်းရင်းမြစ်များ

JENESIS 31:45

Kumta u Jakob u shim uwei u maw bad u pynïeng ïa u kum ka jingsah jingkynmaw.

JENESIS 35:4

Kumta ki la ai ha u Jakob ïa kita ki blei nongwei baroh kiba ki don, bad ruh ïa ki sohshkor ba ki deng. U Jakob u buhrieh ïa ki ha trai u dieng Sning hajan Shekhem.

JENESIS 35:8

Ka Deborah, ka nongsumar ïa ka Rebekka, ka la ïap noh bad la tep ïa ka ha trai u dieng Sning shaphang shathie jong ka Bethel. Kumta la khot kyrteng ïa ka, “U Dieng Sning jong ka jingïam.”

EKSODOS 24:4

U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

NONGBISHAR 9:6

Nangta baroh ki rangbah ka Shekhem bad ka Bethmillo ki ïalumlang bad leit sha u dieng Sning bakyntang ha Shekhem, ha kaba ki la thung syiem ïa u Abimelekh.

1 SAMUEL 7:12

Nangta u Samuel u shim uwei u maw, u pynïeng ïa u hapdeng ka Mispah bad ka Shen, bad ong, “U Trai u la ïarap ïa ngi baroh shi lynter lynti” — bad u la pynkyrteng ïa u, “u maw ka jingïarap.”