JOSHUA 24:25 - Khasi CL Bible (BSI)

²⁵ Kumta u Joshua u pynlong ka jutang na ka bynta u paidbah ha kata ka sngi, bad hangta ha Shekhem u la ai ha ki ïa ki aiñ bad ki jingbuhbeit ryntih ba kin bud.

KA BAIBL

²⁵ Kumta, u Joshua u la pynlong ka jutang bad uta u paidbah ha kata ka sngi, bad u la buh ha ki ka aiñ bad ka rukom ha Shekhem.

JOSHUA 24:25 ပူးပေါင်းရင်းမြစ်များ

JENESIS 35:4

Kumta ki la ai ha u Jakob ïa kita ki blei nongwei baroh kiba ki don, bad ruh ïa ki sohshkor ba ki deng. U Jakob u buhrieh ïa ki ha trai u dieng Sning hajan Shekhem.

2 SYIEM 11:17

U Jehoïada u lyngdoh, u pynlong ïa u syiem Joash bad ïa ki paidbah ban rung sha ka jingïateh jutang bad U Trai ba kin long ki briew jong U Trai; u pynlong ruh ïa ka jingïateh jutang hapdeng u syiem bad ki paidbah.

2 KHRONIKL 15:12

Ki pynlong ka jutang ha kaba ki mynjur ban mane ïa U Trai, U Blei jong ki kpa tymmen jong ki, da ka dohnud bad ka mynsiem jong ki baroh.

2 KHRONIKL 15:15

Baroh ki paid ka Judah ki la kmen namar ki la pynlong ïa kane ka jutang da ka dohnud baroh. Ki shem sngewbha ha ka jingmane ïa U Trai, bad u pdiang ïa ki bad u ai ha ki ka jingsuk na ki liang baroh.

2 KHRONIKL 23:16

U Jehoïada u lyngdoh u pynlong ïa u syiem Joash bad ïa ki paidbah ban ïasnohkti lang bad u ha kaba pynlong ka jutang ba kin long ki briew jong U Trai.

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

NEHEMAÏAH 9:38

Namar baroh kata kaba la jia, ma ngi, ki Israel, hangne ngi pynlong ka jingïakut bakyntang da ka jingthoh, bad ki nongïalam jong ngi, ki Lebi jong ngi, bad ki lyngdoh jong ngi ki buh ïa ki jingshon muhor ha ka.

EKSODOS 15:25

U Moses u kyrpad jur ïa U Trai, bad U Trai u pyn-i ha u ïa uwei u lyngkhot dieng, ïa uba u la bret hapoh ka um; bad ka um ka la kylla long kaba bit ban dih. Dei hangta ba U Trai u ai ha ki ïa ki aiñ ba kin bud, bad dei hangta ruh ba u la tynjuh ïa ki.

EKSODOS 24:3

U Moses u wan ïathuh ha u paidbah ïa ki hukum baroh bad ïa ki aiñ baroh jong U Trai, bad ki briew baroh ki ïajubab lang, “Ïa kita baroh kiba U Trai u ong, ngin leh.”

DEUTERONOMI 29:1

Kine ki long ki ktien jong kata ka jutang ba U Trai u la hukum ïa u Moses ban pynlong bad ki Israel ha ka ri ki Moab; kane baroh ka la long ka jingbynrap shuh shuh halor kata ka jutang kaba U Trai u la pynlong bad ki ha u Lum Sinai.

JOSHUA 24:1

U Joshua u la lumlang ïa ki jait Israel baroh ha Shekhem. U la khot ïa ki tymmen ki san, ki nongïalam, ki nongbishar, bad ki rangbah pynïaidkam jong ki Israel, bad ki la ïawan sha ka jingdon ryngkat U Blei.

JOSHUA 24:26

U Joshua u thoh ïa kita ki hukum ha ka kitab Ka Aiñ U Blei. Nangta u la shim uwei u maw uba heh, bad u pynïeng ïa u hapoh u dieng Sning ha ka jaka kyntang jong U Trai.