JOSHUA 24:20 - Khasi CL Bible (BSI)

²⁰ Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”

KA BAIBL

²⁰ Lada phin iehnoh ïa U Trai, bad phin shakri ïa ki blei khyllah, ynda kumta, un phai bad un pynsniew ïa phi, bad un pynduh khoit ïa phi, hadien ba u la leh bha ïa phi.”

JOSHUA 24:20 ပူးပေါင်းရင်းမြစ်များ

1 KHRONIKL 28:8

“Kumta mynta, ko paidbah jong nga, ha khmat U Blei jong ngi bad ha khmat kane ka jingïalang ki Israel baroh, ki paidlang jong U Trai, nga kyntu ïa phi ba phin kohnguh da kaba phikir bha ïa kaei kaei baroh kaba U Trai U Blei jong ngi u la hukum ïa ngi, ba kumta phi lah ban ïai bat kynti ïa kane ka ri kaba bha bad kumta ba phin lah ban ai pateng ïa ka junom ha ki pateng ki ban wan.”

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

ESRA 8:22

Ngan jin da la lehrain ban kyrpad ïa u patsha ban ai ki shipai ïaid kjat ban ïada ïa ngi na kino kino ki nongshun katba ngi dang ïaid lynti, namar nga la lah ong ïa u ba U Blei jong ngi u kyrkhu ïa uno uno uba shaniah ha u, hynrei ba u sngewsih bad u pynshitom ïa uno uno uba phai noh na u.

SALM 89:31

lada kim suidñiew ïa ki jinghikai jong nga bad kim sumar ïa ki hukum jong nga,

ISAÏAH 1:28

Hynrei un pynlwet ïa uwei pa uwei uba leh pop bad uba ïaleh pyrshah ïa u; un pynïap ïa uwei pa uwei uba la iehnoh ïa u.

ISAÏAH 63:10

hynrei ki la ïaleh pyrshah ïa u bad ki la pynsngewsih ïa U Mynsiem Bakhuid jong u. Namar kata U Trai u la kylla long u nongshun jong ki bad u la ïaleh pyrshah ïa ki.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

KI KAM 7:42

Kumta U Blei u la phai noh na ki, bad u la iehnoh ïa ki ban mane ïa ki khlur ka sahit bneng, kumba la thoh ha ka kitab ki nongïathuhlypa: “ ‘Ko ki paid Israel! Ym dei sha nga ba phi la pynïap bad kñia ïa ki jingri haduh sawphew snem ha ka ri shyiap.

DEUTERONOMI 4:25

“Haba phi la shong slem ha kata ka ri bad phi la ïoh khun ïoh ksiew, wat leh pop da kaba thaw blei ïa lade da kano kano ka dur. Kata ka long ka kam bymman ha khmat U Trai, bad kan pynbitar ïa u.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.

HEBRU 10:38

La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

JOSHUA 24:21

U paidbah u ong ha u Joshua, “Em! Ngin shakri ïa U Trai.”

1 SAMUEL 12:15

Hynrei lada phim shahshkor ïa U Trai bad phim kohnguh ïa ki hukum jong u, un long pyrshah ïa phi bad ïa u syiem jong phi.

1 SAMUEL 12:25

Hynrei lada phi dang ïai leh pop, ïa phi bad ïa u syiem jong phi yn pynjot noh.”