JOSHUA 24:2 - Khasi CL Bible (BSI)

² U Joshua u ong ha uta u paidbah baroh, “Kane ka long kaei kaba U Trai, U Blei ki Israel, u don ban ong: ‘Mynhyndai, ki kpa tymmen jong phi ki shong ki sah sha shiliang jong ka wah Ïuphratis, bad ki la mane ïa kiwei pat ki blei. Uwei na kito ki kpa tymmen u dei u Terah, u kpa jong u Abraham bad u Nahor.

KA BAIBL

² Bad u Joshua u la ong ha u paidbah baroh, “Kumne u ong U Trai, U Blei ki Israel, ‘Ki kpa jong phi ki la shong mynhyndai sha shiliang kata ka Wah, u Terah keiñ, u kpa u Abraham, bad u kpa u Nahor: bad ki la shakri ïa kiwei pat ki blei.

JOSHUA 24:2 ပူးပေါင်းရင်းမြစ်များ

JENESIS 11:22

Haba u Serug u la dap laiphew snem ka rta, u la ïoh khun shynrang, u Nahor;

JENESIS 11:24

Haba u Nahor u la dap arphew khyndai snem ka rta, u la ïoh khun shynrang, u Terah;

JENESIS 11:26

Hadien ba u Terah u la dap hynñiewphew snem ka rta, u la long u kpa jong u Abram, u Nahor, bad u Haran.

JENESIS 11:27

Kine ki long ki khun ki ksiew jong u Terah, uba long u kpa jong u Abram, u Nahor, bad u Haran. U Haran u dei u kpa jong u Lot,

JENESIS 31:19

U Laban u la leit ban khap shñiuh ïa la ki langbrot, bad ha ka por ba um don ka Rakhel ka la tuh ïa ki blei ïing kiba long ki jong u kpa jong ka.

JENESIS 31:30

Nga tip ba me mihnoh namar ba me kynmaw ïing eh, hynrei balei pat me tuh ïa ki blei ïing jong nga?”

JENESIS 31:32

Hynrei lada phi shem ïa ki blei jong phi ha uno uno hangne, uta un shah pynïap. Hangne, lem bad ki briew jong ngi kum ki sakhi, peit ïa kano kano ka tiar kaba dei ka jong phi bad shim ïa kaba dei ka jong phi.” U Jakob um shym tip ba ka Rakhel ka la tuh ïa ki blei ïing jong u Laban.

JENESIS 31:53

U Blei jong u Abraham bad U Blei jong u Nahor un bishar hapdeng jong ngi.” Kumta, ha ka kyrteng U Blei ïa uba u Isaak u kpa jong u, u la mane, u Jakob u la smai da kaba sngew kyntang ban bat ïa kane ka kular.

JENESIS 35:4

Kumta ki la ai ha u Jakob ïa kita ki blei nongwei baroh kiba ki don, bad ruh ïa ki sohshkor ba ki deng. U Jakob u buhrieh ïa ki ha trai u dieng Sning hajan Shekhem.

1 KHRONIKL 1:27

bad U Abram (ïa uba la tip ruh kum u Abraham.)

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

ESEKIEL 16:3

Ïathuh ïa ka Jerusalem ïa kaei kaba U Trai Nongsynshar u ong ha ka: “La kha ïa pha ha ka ri Kanaan. U kpa jong pha u dei u nong Amor bad ka kmie jong pha ka dei ka nong Hit.

LOUKAS 3:34

u khun jong u Jakob, u khun jong u Isaak, u khun jong u Abraham, u khun jong u Terah, u khun jong u Nahor,

DEUTERONOMI 26:5

nangta, hangta ha khmat ka jingdon ryngkat U Trai phin ong ïa kine ki ktien: ‘U kpa tymmen jong nga u dei u nong Aram uba ïaidwir, uba la leit ïalam ïa la ki ba-ha-ïing ha-sem sha Ijipt ban shong ban sah. Ki ïadon tang khyndiat eh mynba ki ïadon hangta, hynrei ki la man long ka jaitbynriew kaba bun paid bad kaba khrawbor.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”