JOSHUA 24:19 - Khasi CL Bible (BSI)

¹⁹ U Joshua u ong ha u paidbah, “Hynrei phin ym lah ban shakri ïa U Trai. U long U Blei uba khuid bad un ym map ïa ki pop jong phi.

KA BAIBL

¹⁹ Te u Joshua u la ong ha uta u paidbah, “Phi phim lah ban shakri ïa U Trai; namar u long U Blei u bakhuid; u long U Blei u bathut shen; un ym map ïa ki jingpalat lymne ïa ki pop jong phi.

JOSHUA 24:19 ပူးပေါင်းရင်းမြစ်များ

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

SALM 99:3

Baroh kin ïaroh ïa ka kyrteng kaba khraw bad kaba kynja syiem jong u. Uba Khuid long ma u!

SALM 99:5

To ïaroh ïa U Trai U Blei jong ngi; to mane ha khmat ka khet jong u! Uba Khuid long ma u!

SALM 99:9

To ïaroh ïa U Trai U Blei jong ngi, bad to mane ha u lum bakyntang jong u! U Trai U Blei jong ngi u long uba khuid.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

EKSODOS 23:21

Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

EKSODOS 34:14

“Wat mane ïa uno uno uwei pat u blei, namar ba ma nga, U Trai, ngam lah shah ïa kino kino ki ban ïakob ïa nga.

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

ISAÏAH 2:9

Ïa uwei pa uwei yn pynlehrain bad yn pynjahburom. Wat map ïa ki, A Trai!

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 30:11

Wat ïeng ha ka lynti jong ngi bad wat kah ïa ka lynti ïaid jong ngi. Ngim kwah ban ïohsngew shaphang U Blei Bakhuid jong phi ki Israel.”

ISAÏAH 30:15

U Trai Nongsynshar, U Blei Bakhuid ki Israel, u ong ha ki briew, “Phai noh bad to shaniah jar jar ha nga. Te phin long khlaiñ bad skhem.” Hynrei phi kyntait ban leh ïa kata!

ISAÏAH 5:16

Hynrei U Trai Badonbor Baroh u pyn-i ïa ka jingkhraw jong u da kaba leh ïa kaba dei, bad u pynpaw ïa ka jingkhuid jong u da kaba bishar ïa la ki briew.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

LEBITIKOS 11:44

Nga long U Trai U Blei jong phi, bad kumta phi dei ban ri khuid ïa lade, namar nga, nga long uba khuid.

LEBITIKOS 11:45

Nga long U Trai uba la ïalam noh ïa phi na Ijipt khnang ba ngan long U Blei jong phi. Phi dei ban long kiba khuid, namar nga long uba khuid.”

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

LEBITIKOS 20:26

Phi dei ban long kiba khuid ïa nga, namar nga long U Trai bad nga long uba khuid. Nga la pynkyrpang ïa phi na kiwei pat ki jaitbynriew ba phin long ki jong nga.

LEBITIKOS 20:7

Pynkyntang khuid ïa lade, naba nga long U Trai U Blei jong phi.

NAHUM 1:2

U Trai U Blei um lah shah ïa kino kino ki nongïaleh pyrshah; u pynshitom ïa kito kiba ïeng pyrshah ïa u. Ha ka jingbitar jong u, u siew kylliang ïa ki.

HABAKKUK 1:13

Hynrei kumno me lah ban shah ïa kine ki riewshukor, ki briew kiba sniew? Ki khmat jong me ki khuid palat kat ban peit ïa kaba sniew, bad mem lah shah ban peit ïa ki briew ba leh bymdei. Te balei ba me shu sngap jar jar katba ki dang pynjot ïa ki briew kiba kham hok ban ïa ki?

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

JOSHUA 24:18

Katba ngi nang ïaid sha khmat sha kane ka ri, U Trai u la beh ïa ki Amor baroh kiba shong basah hangne. Kumta ma ngi ruh, ngin shakri ïa U Trai, u long U Blei jong ngi.”

JOSHUA 24:23

“Te kumta, iehnoh syndon ïa kito ki blei nongwei kiba phi don,” u la dawa, “bad kular skhem ïa ka jingïaineh jong phi sha U Trai, U Blei ki Israel.”

RUTH 1:15

Kumta ka Naomi ka ong ha ka, “Ruth, ka para kynsi jong pha ka la leit phai sha la ki briew bad sha la u blei. Khie leit phai sha ïing bad ka.”

1 SAMUEL 3:14

Namar kata nga la pynbna da ka jingsngewkhia ba ha ka ïing u Eli yn ym don jingkñia lane ka jingainguh kaba lah ban weng noh ïa kane ka pop bashyrkhei ba ka ïing jong u ka la leh.”

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”