JOSHUA 24:14 - Khasi CL Bible (BSI)

¹⁴ “Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

KA BAIBL

¹⁴ “Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

JOSHUA 24:14 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 35:2

Kumta u Jakob u ong ha la ki ba-ha-ïing ha-sem bad ha kita baroh kiba don lem bad u, “Bret noh ïa ki blei nongwei baroh kiba phi don; pynkhuid ïa lade, bad phong da ki jaiñ kiba khuid.

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

ESRA 9:11

Ki la ong ha ngi ba ka ri kaba ngin ïohkynti, ka long ka ri ka bymkhuid namar ki briew kiba shong basah ha ka, ki la pyndap ïa ka naduh kawei ka bynta shaduh kawei pat da kiei kiei kiba isaitmet bad ki kam ba-ijli.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 111:10

Ka lynti ban long uba stad ka long ban pyndonburom ïa U Trai; u ai ka jingbishar kaba beit ïa baroh kiba kohnguh ïa ki hukum jong u. U long uba dei ban ïaroh junom.

SALM 119:1

Suk kito kiba ka jingim jong ki ka long ka bym don jingbakla, kiba im kat kum ka aiñ jong U Trai.

SALM 119:80

Ai ba ngan kohnguh janai ïa ki hukum jong me, ba ngan lait na ka jinglehrain ka jingshahjop.

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 81:10

Nga long U Trai U Blei jong phi, uba la wallam ïa phi na ka ri Ijipt. To ang ïa la ka shyntur, bad ngan pynkdang ïa phi.

ESEKIEL 20:18

Pynban, nga la maham ïa ki samla hapdeng jong ki: Wat sumar ïa ki aiñ kiba ki kpa tymmen jong phi ki thaw; wat bud ïa ki rukom jong ki lane pyntngit ïa lade da ki bleithaw jong ki.

ESEKIEL 23:3

Mynba ki dang samla, ki shong ki sah ha Ijipt, ki la duh noh ka jinglong sotti bad ki kylla long ki nuti.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

EPHESOS 6:24

To ka jingaiei U Blei kan long lem bad kito baroh kiba ieit ïa U Jisu Khrist uba U Trai jong ngi da ka jingieit baneh.

DEUTERONOMI 10:12

“Mynta, ko ki paid Israel, shahshkor ïa kaei kaba U Trai U Blei jong phi u dawa na phi: Mane ïa U Trai bad leh ïa kata baroh kaba u hukum. Ieit ïa u, shakri ïa u da ka dohnud jong phi baroh, bad kohnguh ïa ki hukum jong u baroh.

DEUTERONOMI 18:13

Ïaineh skhem ha U Trai.”

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

PHILIPPI 1:10

Te phin long kiba lait na baroh ki jingbymkhuid bad khlem shah kynnoh pop ha ka Sngi U Khrist.

JOSHUA 24:2

U Joshua u ong ha uta u paidbah baroh, “Kane ka long kaei kaba U Trai, U Blei ki Israel, u don ban ong: ‘Mynhyndai, ki kpa tymmen jong phi ki shong ki sah sha shiliang jong ka wah Ïuphratis, bad ki la mane ïa kiwei pat ki blei. Uwei na kito ki kpa tymmen u dei u Terah, u kpa jong u Abraham bad u Nahor.

JOSHUA 24:23

“Te kumta, iehnoh syndon ïa kito ki blei nongwei kiba phi don,” u la dawa, “bad kular skhem ïa ka jingïaineh jong phi sha U Trai, U Blei ki Israel.”

1 SAMUEL 12:14

Lada phi tiengburom ïa U Trai, phi shakri ïa u, phi shahshkor ïa u, bad phi kohnguh ïa ki hukum jong u, bad lada ma phi bad u syiem uba synshar ïa phi, phi bud ïa U Trai U Blei jong phi, baroh kan manbha bad phi.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”