JOSHUA 24:11 - Khasi CL Bible (BSI)

¹¹ Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

KA BAIBL

¹¹ Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.

JOSHUA 24:11 ပူးပေါင်းရင်းမြစ်များ

JENESIS 15:19

kaba kynthup ïa ka ri ki Ken, ki Kenis, ki Gadmon,

SALM 105:44

U la ai ha ki ïa ki ri jong kiwei pat ki jaitbynriew bad u la shah ïa ki ban shim noh ïa ki pyntha jong ki,

SALM 114:3

Ka Duriaw Basaw ka la khmih bad ka phet noh, ka wah Jordan ka la sangeh ban tuid.

SALM 114:5

Kaei kaba la jia, ko Duriaw, ban pynlong ïa pha ban phet noh? Bad ma pha, ko Jordan, balei ba pha sangeh ban tuid?

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 23:23

U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

EKSODOS 23:28

Ngan pyntieng kulmar ïa ki nongshun jong phi. Ngan beh noh ïa ki Hib, ki Kanaan, bad ki Hit katba phi nang tur sha khmat.

EKSODOS 23:31

Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

KI KAM 13:19

U la pynjot ïa ki hynñiew tylli ki jaitbynriew ha ka ri Kanaan bad u la pynlong ïa ki briew jong u ki trai jong ka ri.

KI KAM 7:45

Hadien, ki kpa tymmen jong ngi kiba la ïohpdiang ïa ka ïingjaiñ na ki kpa jong ki, ki la bah ïa ka lem bad ki haba ki la leit bad u Joshua bad shimti ïa ka ri na ki jaitbynriew kiba U Blei u la beh katba ki nang tur sha khmat. Bad ka la don hangta haduh ka por jong u Dabid.

DEUTERONOMI 7:1

“U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

JOSHUA 4:1

Haba ka jaitbynriew baroh kawei ka la lah jam ïa ka Jordan, U Trai u ong ha u Joshua,

JOSHUA 4:19

U paidbah u la jam ïa ka Jordan ha ka sngi kaba shiphew jong u bnai uba nyngkong bad ki la shong dara ha Gilgal, ha ka phang mihngi jong ka Jerikho.

JOSHUA 4:23

Ïathuh ïa ki ba U Trai U Blei jong phi u la pynrngad ïa ka um jong ka Jordan na ka bynta jong phi haduh ba phin da la jam sha shiliang, kumba u la pynrngad ïa ka Duriaw Basaw na ka bynta jong ngi.

JOSHUA 9:2

Ki la ïakynduh lang baroh bad ki la ïasnohkti lang ban ïaleh pyrshah ïa u Joshua bad ki Israel.