JOSHUA 23:7 - Khasi CL Bible (BSI)

⁷ Wat klet ïa kano kano ka bynta jong ka, bad nangta phin ym ïakhleh bad kine ki briew kiba dang sah hapdeng jong phi lane ïakren ïa ki kyrteng jong ki blei jong ki lane pyndonkam ïa kito ki kyrteng ha kaba shim smai lane mane ïa kito ki blei lane nguh dem ïa ki.

KA BAIBL

⁷ ba phin ym ïalok bad kine ki jaid bynriew, kiba dang sah hapdeng jong phi; lymne wat ong ïa ka kyrteng ki blei jong ki, lymne smai ha ki, lymne shakri ïa ki, lymne dem ïa lade ha ki:

JOSHUA 23:7 ပူးပေါင်းရင်းမြစ်များ

2 SYIEM 17:12

bad kim kohnguh ïa ki hukum U Trai ban ym mane ïa ki bleithaw.

2 SYIEM 5:18

Kumta nga kyrmen ba U Trai un map ïa nga haba nga synran ïa la u syiem sha ka templ u Rimmon, u blei Syria, bad mane ïa u. Da shisha U Trai un map ïa nga!”

2 KHRONIKL 7:19

Hynrei lada ma me bad ki briew jong me kin ym kohnguh ïa ki aiñ bad ki hukum ïa kiba nga la ai ha phi, bad phi mane ïa kiwei pat ki blei,

SALM 16:4

Kito kiba beh stet sha kiwei ki blei ki wallam bun ki jingjynjar halor lade hi. Ngan ym ïashim bynta ha ki jingkñia jong ki; ngan ym mane ïa ki blei jong ki.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

EKSODOS 23:33

Wat shah ba kita ki briew kin shong kin sah ha ka ri jong phi; lada phi leh kumta, kin pynlong ïa phi ban leh pop pyrshah ïa nga. Lada phi mane ïa ki blei jong ki, kan long ka jingriam ka ban pynïap duh ïa phi.”

PROBERB 4:14

Wat leit sha kaba ki riewsniew ki leit. Wat pyrthuh bud ïa ka jingleh jong ki riewbymman.

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

HOSIA 2:17

Ngan ym shah shuh ba kan dang kren ïa ka kyrteng u Baal.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

JINGKHEIÑ 32:38

Ka Nebo, ka Baal Meon (ïa kane ka kyrteng la pynkylla,) bad ka Sibmah. Ki la ai kyrteng thymmai ïa ki shnong kiba ki la tei biang.

JINGKHEIÑ 33:55

Hynrei lada phim beh noh ïa ki nongshong shnong jong ka ri, kito kiba dang sah kin pynjynjar ïa phi kum ki thngiat ha ki khmat jong phi bad kum ki shiah ha ka krung jong phi, bad kin ïaleh pyrshah ïa phi.

1 KORINTH 15:33

To wat shah ba yn shukor. “Ki paralok kiba sniew ki pynjot ïa ka jinglong babha.”

EPHESOS 5:11

Phim dei ban ïadon bynta ei ei bad ki kam bym don jingmyntoi kiba ki briew ki leh, kiba long ki kam ka jingdum. Pynban wallam ïa ki sha ka jingshai.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

DEUTERONOMI 6:14

Wat mane ïa kiwei pat ki blei, ïa kino kino ki blei jong kita ki jaitbynriew kiba don sawdong jong phi.

JOSHUA 23:12

Lada phi long ki bymïaineh bad ïasnohkti bad kita ki jaitbynriew kiba dang sah hapdeng jong phi bad phi ïashongkha khleh bad ki,

JOSHUA 23:8

Pynban, to ïaineh ha U Trai, kumba phi la leh haduh mynta.