JOSHUA 23:16 - Khasi CL Bible (BSI)

¹⁶ Lada phim sumar ïa ka jutang kaba U Trai U Blei jong phi u la hukum ïa phi ban sumar bad lada phi shakri bad mane ïa kiwei pat ki blei, kumta te ha ka jingbitar jong u, un pynshitom ïa phi, bad shen ym don uwei ruh na phi u ban lait im ha kane ka ri babha kaba u la ai ha phi.”

KA BAIBL

¹⁶ Haba phin ryngkang ïa ka jutang U Trai U Blei jong phi, kaba u la hukum ïa phi, bad phin leit shakri ïa kiwei ki blei, bad phin dem ïa lade ha ki; ynda kumta, ka jingbitar U Trai kan meh pyrshah ïa phi, bad phin duh shen na kane ka ri ka babha kaba u la ai ha phi.”

JOSHUA 23:16 ပူးပေါင်းရင်းမြစ်များ

1 SYIEM 14:15

U Trai un pynshitom ïa ki Israel, bad kan khynñiuh kumba pynkhih ïa u khah ha ka wahduid. Un rat dyngkhong ïa ki paid Israel na kane ka ri kaba bha kaba u la ai ha ki kpa tymmen jong ki, bad un pynsakma ïa ki sha lyndet ka wah Ïuphratis, namar ba ki la pynbitar lep ïa u da kaba thaw ïa ki bleithaw jong ka blei Asherah.

1 SYIEM 9:6

Hynrei lada ma me lane ki khun ki ksiew jong me phi phai dien noh na nga, bad phim kohnguh ïa ki aiñ bad ki hukum ïa kiba nga la ai ha phi, hynrei phi leit mane ïa kiwei pat ki blei,

1 SYIEM 9:7

ngan jynrat noh ïa ki Israel na kane ka ri ïa kaba nga la ai ha ki; bad ngan kyntait noh ïa kane ka ïing ïa kaba nga la pynkyntang na ka bynta ka kyrteng jong nga; bad ki Israel kin sa shah rkhiebeiñ bad shah kynshi hapdeng ki jaitbynriew baroh.

2 SYIEM 17:7

Ka Samaria ka kyllon noh namar ki Israel ki leh pop pyrshah ïa U Trai U Blei jong ki, uba la pyllait im ïa ki na u syiem ka Ijipt bad la ïalam noh bak ïa ki na Ijipt.

2 SYIEM 24:20

U Trai u la bitar haduh katta katta ïa ki briew ka Jerusalem bad Judah ha kaba u la beh noh ïa ki na khmat jong u.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JINGKHEIÑ 33:56

Lada phim beh noh ïa ki, ngan pynjot ïa phi kumba nga la thmu ban pynjot ïa ki.”

DEUTERONOMI 17:3

da kaba mane bad shakri ïa kiwei pat ki blei, lane ïa ka sngi, lane ïa u bnai, lane ïa ki khlur, kaba long pyrshah ïa ka hukum U Trai,

DEUTERONOMI 28:15

“Hynrei lada phim kohnguh ïa U Trai U Blei jong phi bad phim sumar hok ïa ki hukum bad ki aiñ baroh ba nga ai ha phi mynta ka sngi, kine ki jingtim baroh kin sa ngat ha phi.

DEUTERONOMI 6:15

Lada phi mane ïa kiwei pat ki blei, ka jingbitar U Trai kan wan bad thang ïa phi kum ka ding bad kan pynjot thiaw ïa phi, namar U Trai U Blei jong phi, uba don ryngkat bad phi, um lah shah ba phin shakri ïa kiwei pat ki blei.

NONGBISHAR 2:14

Bad kumta U Trai u bitar lep ïa ki Israel bad u la shah ïa ki nonglute ban tur ïaleh bad lute ïa ki. U shah ïa ki nongshun kiba sawdong jong ki ban thombor ïa ki, bad ki Israel kim lah shuh ban ïada ïa lade.

NONGBISHAR 2:20

Nangta U Trai u bitar lep ïa ki Israel, bad u ong, “Kane ka jaitbynriew ka la pynkheiñ ïa ka jutang kaba nga la hukum ïa ki kpa tymmen jong ki ban sumar. Namar ba kim shym la kohnguh ïa nga,

1 SAMUEL 12:25

Hynrei lada phi dang ïai leh pop, ïa phi bad ïa u syiem jong phi yn pynjot noh.”