JOSHUA 23:15 - Khasi CL Bible (BSI)

¹⁵ Hynrei kumba u la bat ïa kawei pa kawei ka jingkular kaba u la pynlong ha phi, kumta ruh un pyndep ïa kawei pa kawei ka jingbyrngem.

KA BAIBL

¹⁵ Te kan long, ba kumba kiei kiei baroh ki babha ki la jia ha phi ïa kiba U Trai U Blei jong phi u la ong ha phi, kumta U Trai un wallam halor jong phi ïa kiei kiei ki basniew baroh, haduh ban da la pynduh noh khoit ïa phi na kane ka ri ka babha ïa kaba U Trai U Blei jong phi u la ai ha phi.

JOSHUA 23:15 ပူးပေါင်းရင်းမြစ်များ

1 SYIEM 14:15

U Trai un pynshitom ïa ki Israel, bad kan khynñiuh kumba pynkhih ïa u khah ha ka wahduid. Un rat dyngkhong ïa ki paid Israel na kane ka ri kaba bha kaba u la ai ha ki kpa tymmen jong ki, bad un pynsakma ïa ki sha lyndet ka wah Ïuphratis, namar ba ki la pynbitar lep ïa u da kaba thaw ïa ki bleithaw jong ka blei Asherah.

1 SYIEM 8:56

U da ong, “Ïaroh ïa U Trai uba la ai ka jingsuk ïa ki briew jong u, kumba u la kular ban leh. U la bat ïa baroh ki jingkular basbun kaba u la pynlong lyngba u Moses u shakri jong u.

ISAÏAH 24:6

Kumta U Blei u la pynbna ïa ka jingtim ha ka pyrthei. Ki briew jong ka ki hap ban siew ïa kaei kaba ki la leh. Kiba im ki la nang duna bad nang duna.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 32:42

“Kumba nga la wallam ïa kane ka jingjot ha kine ki briew, kumta ruh ngan ai ïa ki baroh kiei kiei kiba bha kiba nga la kular.

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

LEBITIKOS 26:3

“Lada phi im kat kum ki aiñ jong nga, bad kohnguh ïa ki hukum jong nga,

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

NONGBISHAR 13:1

Ki Israel ki leh pop biang pyrshah ïa U Trai, bad u shah ba ki Philistia kin synshar ïa ki sawphew snem.

NONGBISHAR 3:12

Ki paid Israel ki la leh pop biang pyrshah ïa U Trai. Namar kane keiñ U Trai u la pynkhlaiñbor ïa u Eglon u syiem ka Moab ban ïa ki Israel.

NONGBISHAR 3:8

Kumta U Trai u la bitar lep ïa ki Israel bad u shah ïa u Kushan Rishathaim u syiem ka Mesopotamia ban jop ïa ki. Bad u synshar halor jong ki haduh phra snem.

NONGBISHAR 6:1

Sa shisien pat ki Israel ki la leh pop pyrshah ïa U Trai, kumta u shah ïa ki Midian ban synshar ïa ki haduh hynñiew snem.