JOSHUA 23:13 - Khasi CL Bible (BSI)

¹³ to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.

KA BAIBL

¹³ to tip da shisha ba U Trai U Blei jong phi un ym beh shuh ïa kine ki jaid bynriew na khmat jong phi; hynrei, kin long ki shangkhawiah bad ki jingriam ïa phi, bad ki jingsympat ha ki krung jong phi, bad ki shiah ha ki khmat jong phi, ha ban da phin duh noh na kane ka ri ka babha kaba U Trai U Blei jong phi u la ai ha phi.”

JOSHUA 23:13 ပူးပေါင်းရင်းမြစ်များ

1 SYIEM 11:4

Ki la pynlong ïa u ban phai dien noh na U Blei, bad kat haduh ba un da tymmen ki la ïalam noh ïa u ban mane ïa ki blei nongwei. Um shym la ngeit hok shuh ïa U Trai U Blei jong u, kumba u Dabid u kpa jong u, u la long.

2 SYIEM 17:18

U Trai u la bitar ïa ki Israel bad u pyndam ïa ki na khmat jong u, da kaba iehnoh tang ïa ka hima Judah.

2 SYIEM 17:20

U Trai u la kyntait ïa ki Israel baroh, u pynshitom ïa ki bad u aiti noh ïa ki sha ki nongshun barunar haduh ha kaba khatduh ban pyndam ïa ki na khmat jong u.

2 SYIEM 25:21

Hangta u syiem u la phah shoh bad pynïap ïa ki. Kumta ki paid Judah ki la shah rah sha jngai na la ka ri sha ka jinglongmraw.

2 SYIEM 25:26

Nangta ki Israel baroh, kiba riewspah bad kiba duk kumjuh, lem bad kita ki rangbah shipai, ki la mihnoh bad leit sha Ijipt, namar ba ki sheptieng ïa ki nong Babilonia.

SALM 69:22

Ai ba ki jingkhawai bah jong ki kin long ka jingpynjot ïa ki; ai ba ki jingkhawai bakyntang jong ki kin long ka jingkyllon jong ki.

EKSODOS 10:7

Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 23:33

Wat shah ba kita ki briew kin shong kin sah ha ka ri jong phi; lada phi leh kumta, kin pynlong ïa phi ban leh pop pyrshah ïa nga. Lada phi mane ïa ki blei jong ki, kan long ka jingriam ka ban pynïap duh ïa phi.”

EKSODOS 34:12

Wat ïateh jutang bad ki briew jong kata ka ri sha kaba phi leit, namar kata ka lah ban long ka jingriam ka ban pynïap ïa phi.

EKSODOS 34:16

Ki khun shynrang jong phi kin lah ban ïashongkurim bad ki khun kynthei jong ki, ki ban ïalam ïa ki ban ym ïaineh shuh ha nga bad ban mane ïa ki blei thala jong ki.

ESEKIEL 28:24

U Trai u la ong, “Yn ym don na ki hima ba-marjan kiba la ñiewbeiñ ïa ka Israel da ka jingkrenbeiñ, ki ban long pat kum ki shiah bad ki shiah buid ban pynmong ïa ki Israel. Bad kin tip ba ma nga, nga long U Trai Nongsynshar.”

JINGKHEIÑ 33:55

Hynrei lada phim beh noh ïa ki nongshong shnong jong ka ri, kito kiba dang sah kin pynjynjar ïa phi kum ki thngiat ha ki khmat jong phi bad kum ki shiah ha ka krung jong phi, bad kin ïaleh pyrshah ïa phi.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

DEUTERONOMI 29:28

U Trai u la bitar shla, bad ha kata ka jingbitar, u rat dyngkhong ïa ki na ka ri jong ki bad u bret ïa ki sha ka ri nongwei, bad hangta ki dang don haduh mynta.’

DEUTERONOMI 30:18

yn pynjot thiaw ïa phi — nga maham ïa phi hangne mynta. Phin ym im slem ha kata ka ri kaba phin ïohkynti ha shiliang ka Jordan.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.

DEUTERONOMI 7:16

Pynjot ïa kawei pa kawei ka jaitbynriew kat ïa kaba U Trai U Blei jong phi u aiti ha phi, bad wat sngewsynei ïa ki. Wat mane ïa ki blei jong ki, namar kata kan long ka jingma ïa me.

2 TIMOTHI 2:26

Bad nangta kin wan sha ka jingsngewthuh bad kin lait na ka jingriam u Ksuid, uba la pynngat ïa ki bad la pynlong ïa ki ban kohnguh ïa ka mon jong u.

NONGBISHAR 2:21

ngan ym beh shuh ïa kano kano na ki jaitbynriew kiba dang don ha ka ri haba u Joshua u la ïap.