JOSHUA 23:10 - Khasi CL Bible (BSI)

¹⁰ Uwei uwei na phi u lah ban pynher krad shihajar ki nongïapom, namar U Trai U Blei jong phi u ïaleh na ka bynta jong phi, kumba u la kular.

KA BAIBL

¹⁰ Uwei u briew na phi un beh ïa ki shi hajar: namar U Trai U Blei jong phi u long ma u uba ïaleh na ka bynta jong phi, kumba u la ong ha phi.

JOSHUA 23:10 ပူးပေါင်းရင်းမြစ်များ

2 SAMUEL 23:8

Kine ki long ki kyrteng jong ki shipai bapawnam jong u Dabid: uba nyngkong u dei u Josheb Basshebeth na Takhemon; uba long u nongïalam jong “Ki Lai Ngut”; u la ïaleh da la u sum pyrshah ïa ki phraspah ngut ki rangbah bad u la pynïap ïa ki baroh ha kawei ka thma.

1 KHRONIKL 5:20

Ki la buh ka jingshaniah ha U Blei bad ki la duwai ha u na ka bynta ka jingïarap, bad U Blei u la jubab ïa ki jingduwai jong ki bad u la pynlong ïa ki ban jop halor ki Hagrit bad ki paralok jong ki.

1 KHRONIKL 5:22

Ki la pynïap bun bah ki nongshun, namar ba ka thma ka la long ka mon U Blei. Bad ki la ïaishong ïaisah ha kata ka thain haduh ka jingshah ringmraw.

SALM 35:1

To ïeng pyrshah ïa kito kiba pyrshah ïa nga, A Trai, bad to ïeng ïaleh ïa kito kiba ïaleh pyrshah ïa nga!

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

EKSODOS 14:14

U Trai un ïaleh na ka bynta jong phi, bad phim donkam ban leh ei ei ruh em.”

ISAÏAH 30:17

Shihajar ngut na phi kin ïaphet krad haba phi ïohi ïa uwei u shipai nongshun, bad san ngut ki shipai ki la biang ban pynlong ïa phi baroh ban phet krad. Yn ym don shuh ka kynhun shipai jong phi ka ban dang sah, lait noh sa tang u dieng lama ba sah marwei ha kliar jong u lum!

LEBITIKOS 26:7

Phin long ki nongjop pyrshah ïa ki nongshun jong phi;

LEBITIKOS 26:8

san ngut na phi phin jop ïa ki shispah ngut, bad shispah ngut na phi phin jop ïa ki shiphew hajar ngut.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

DEUTERONOMI 20:3

‘To sngap, ko Israel! Mynta ka sngi phin leit ban ïaleh thma. Wat sheptieng ïa ki nongshun jong phi, wat noh mynsiem, lane wat sngew syier.

DEUTERONOMI 20:4

U Trai U Blei jong phi un leit ryngkat bad phi bad un ai ha phi ïa ka jingjop.’

DEUTERONOMI 28:7

“U Trai un pynlong ïa ki nongshun jong phi ba kin shahjop haba ki wan ïaleh pyrshah ïa phi. Kin wan tur na kawei ka dong, hynrei kin sa her ïap na baroh ki dong.

DEUTERONOMI 3:22

Wat tieng ïa ki, namar U Trai U Blei jong me un ïaleh na ka bynta jong me.’ ”

DEUTERONOMI 32:20

‘Ngan ym ïarap shuh ïa ki,’ u ong; ‘bad ngan peit kai kumno kan jia ïa ki. Kine ki dei ki briew kiba mutlop, kiba ym don ka jingïaineh.

DEUTERONOMI 32:30

Balei ba shihajar kin shahjop tang ha uwei, bad shiphew hajar pat tang ha ki ar ngut? U Trai U Blei jong ki u la iehnoh ïa ki, bad U Blei badonbor jong ki u la kyntait noh ïa ki?

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

JOSHUA 23:11

Da sumar bha te, ban ieit ïa U Trai U Blei jong phi.

JOSHUA 23:3

Phi la ïohi ïa baroh kaba U Trai U Blei jong phi u la leh ha kine ki jaitbynriew baroh na ka bynta jong phi. U Trai U Blei jong phi u la ïaleh na ka bynta jong phi.

NONGBISHAR 15:15

Nangta u lap kawei ka shyieng tyngam jong ka kada kaba dang shu ïap shen. U dem bad u tam ïa ka, bad da kata u pynïap shihajar ngut ki rangbah.

NONGBISHAR 3:31

U nongïalam uba bud u dei u Shamgar, u khun jong u Anath. Une ruh u la pyllait ïa ki Israel, bad u la leh kumta da kaba pynïap hynriewspah ngut ki Philistia da u dieng ñiah masi.

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”