JOSHUA 22:5 - Khasi CL Bible (BSI)

⁵ Pynthikna ba phi kohnguh ïa ka aiñ kaba u Moses u la hukum ïa phi: ieit ïa U Trai U Blei jong phi, leh ïa ka mon jong u, kohnguh ïa ki hukum jong u, ïaineh ha u, bad shakri ïa u da ka dohnud bad ka mynsiem jong phi baroh.”

KA BAIBL

⁵ Hynrei, sumar bniah ban leh ïa ka hukum bad ka aiñ, kiba u Moses u shakri U Trai u la hukum ïa phi, ban ieit ïa U Trai U Blei jong phi, bad ban ïaid ha ki lynti jong u baroh, bad ban sumar ïa ki hukum jong u, bad ban snoh ha u, bad ban shakri ïa u da la ka dohnud baroh bad da la ka mynsiem baroh.”

JOSHUA 22:5 ပူးပေါင်းရင်းမြစ်များ

SALM 106:3

Suk kito kiba kohnguh ïa ki hukum jong u, kiba leh borabor ïa kaei kaba dei.

SALM 78:7

Ha kane ka rukom ma ki ruh kin buh ïa la ka jingshaniah ha U Blei bad kin ym klet ïa kaei kaba u la leh, hynrei kin ïai kohnguh ïa ki hukum jong u.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 20:6

Hynrei nga pyn-i ïa ka jingieit jong nga ha ki hajar ki pateng bynriew jong kito kiba ieit ïa nga bad kiba kohnguh ïa ki hukum jong nga.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

EKSODOS 23:25

Lada phi mane ïa nga U Trai U Blei jong phi, te ngan kyrkhu ïa phi da ka bam bad ka um, bad ngan weng noh ruh ïa ki jingpang jong phi baroh.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

MATHAÏOS 22:37

U Jisu u la jubab, “ ‘Ieit ïa U Trai U Blei jong me da la ka dohnud baroh, da la ka mynsiem baroh, bad da la ka jingmut baroh.’

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 14:15

“Lada phi ieit ïa nga, phin sumar ïa ki hukum jong nga.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 27:23

Namar mynhynne ka miet u angel jong U Blei ha uba nga long bad ïa uba nga mane u la wan sha nga bad u la ong,

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 11:1

“Ieit ïa U Trai U Blei jong phi, bad ïai kohnguh ïa ki aiñ jong u baroh.

DEUTERONOMI 11:13

“Kumta, to kohnguh ïa ki hukum ba nga la ai ha phi mynta ka sngi; ieit ïa U Trai U Blei jong phi bad shakri ïa u da ka dohnud jong phi baroh.

DEUTERONOMI 11:22

“Sumar bad lehhok ïa ki hukum baroh ba nga la ai ha phi: Ieit ïa U Trai U Blei jong phi, leh ïa kata baroh kaba u hukum, bad ïaineh ha u.

DEUTERONOMI 13:4

Bud ïa U Trai bad tiengburom ïa u; kohnguh ïa u bad sumar ïa ki hukum jong u; mane ïa u bad ïaineh ha u.

DEUTERONOMI 4:29

Bad hangta phin wad ïa U Trai U Blei jong phi, bad lada phi wad ïa u da ka dohnud jong phi baroh, phin shem ïa u.

DEUTERONOMI 4:4

hynrei kito na phi kiba ïaineh ha U Trai U Blei jong phi ki dang im haduh mynta.

DEUTERONOMI 4:6

Sumar bad lehhok ïa ki, bad kata hi kan kren ha ki briew jong kiwei pat ki jaitbynriew haduh katno phi long kiba stad bad kiba shemphang. Haba ki ïohsngew shaphang kine ki aiñ, kin sa ïa-ong, ‘Haduh katne pleng, kane ka jaitbynriew ka don ka jingstad bad ka jingshemphang!’

DEUTERONOMI 4:9

Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

DEUTERONOMI 5:10

Hynrei nga pynpaw ïa la ka jingieit ha ki hajar ki pateng kiba ieit ïa nga, bad kiba sumar ïa ki hukum jong nga.

DEUTERONOMI 6:17

Kynmaw ba phi dei ban kohnguh ïa ki hukum baroh kiba u la ai ha phi.

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JOSHUA 23:8

Pynban, to ïaineh ha U Trai, kumba phi la leh haduh mynta.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

1 SAMUEL 12:20

U Samuel u ong ha uta u paidbah, “Wat sheptieng; la phi la leh ïa ka kam bymman, wat phai noh na U Trai, hynrei shakri ïa u da ka dohnud jong phi baroh.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”