JOSHUA 22:31 - Khasi CL Bible (BSI)

³¹ U Phinehas, u khun jong u Eleasar u lyngdoh, u ong ha ki, “Mynta ngi tip ba U Trai u don bad ngi. Phim shym la ïaleh pyrshah ïa u, bad kumta phi la pynim ïa ki paid Israel na ka jingpynshitom jong U Trai.”

KA BAIBL

³¹ Bad u Phinehas u khun u Eleasar lyngdoh u la ong ha ki khun u Reuben, bad ha ki khun u Gad, bad ha ki khun u Manasseh, “Ha kane ka sngi ngi la tip ba U Trai u don hapdeng jong ngi, namar phim shym leh ïa kane ka jingpalat ïa U Trai: kumta, phi la pyllait ïa ki khun Israel na ka kti U Trai.”

JOSHUA 22:31 ပူးပေါင်းရင်းမြစ်များ

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

ESRA 7:5

u khun jong u Abishua, u khun jong u Phinehas, u khun jong u Eleasar, u khun jong u Aaron.

SALM 68:17

Lem bad ki phew hajar ki kali ïapom bakhlaiñ jong u, U Trai u wan na Sinai sha ka jaka bakhuid.

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

SEKHARAÏAH 8:23

Ha kito ki sngi shiphew ngut ki nongwei kin wan sha uwei u Jiw bad ong, ‘Ngi kwah ban ïoh bynta ha ka lawei jong phi, namar ngi la lah ïohsngew ba U Blei u don bad phi.’ ”

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

1 KORINTH 14:25

Yn bishar ïa u da kiei kiei baroh kiba u ïohsngew; ïa ki jingpyrkhat barieh jong u yn pynpaw madan, bad un dem ngon bad mane ïa U Blei, da kaba phla, “Da shisha U Blei u don hangne hapdeng jong phi.”

JOSHUA 22:30

U Phinehas u lyngdoh bad ki shiphew ngut ki riewkhmat jong ka kynhun kaba don bad u, ki khlieh jong ki longïing jong ki jait ba sha sepngi, ki la ïohsngew ïa kaei ba u paidbah jong ki jait Reuben, Gad, bad Manasseh ba sha Mihngi ki don ban ong, bad ki la sngewhun.

JOSHUA 22:32

Nangta u Phinehas bad ki nongïalam ki leit noh na u paidbah jong ki jait Reuben bad Gad ha ka ri Gilead bad ki la leit phai pat sha Kanaan, sha ki paid Israel, bad ki la ïathuh ha ki.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.