JOSHUA 22:20 - Khasi CL Bible (BSI)

²⁰ Kynmaw kumno u Akhan u khun jong u Serah u la kyntait ban kohnguh ïa ka hukum shaphang kiei kiei kiba la pynrem sha ka jingpynjot; ka kynhun Israel baroh kawei ka la shah pynshitom namar kata. U Akhan um shym long tang ma u uba la ïap namar ka pop jong u.”

KA BAIBL

²⁰ U Akhan u khun u Serah um shym la leh palat ha kata ka basang, bad ka jingbitar ka la hap ha u paidbah ki Israel baroh? bad uta u briew um shym la jot marwei ha la ka pop.’ ”

JOSHUA 22:20 ပူးပေါင်းရင်းမြစ်များ

2 KHRONIKL 24:18

Kumta ki paidbah ki sangeh noh ban mane ha ka Templ jong U Trai, U Blei jong ki kpa tymmen jong ki, bad ki sdang ban mane ïa ki bleithaw bad ïa ki dur jong ka blei Asherah. Ka jingrem jong ki namar kine ki pop ka la wallam ïa ka jingbitar U Trai halor ka ha Judah bad ka Jerusalem.

Ka Kitab U Job 35:8

U dei u parabriew jong me uba shahshitom na ki pop jong me, bad kaba bha kaba me leh ka ïarap ïa u.

LEBITIKOS 10:6

Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

1 KORINTH 10:6

Mynta, kane baroh ka long ka nuksa ïa ngi, ban maham ïa ngi ban ym kwah brai ïa kiei kiei kiba sniew, kumba ki la leh, lymne mane ïa ki bleithaw, kumba don na ki kiba la leh kumta.

JOSHUA 22:21

Ki paidbah jong ki jait Reuben, Gad, bad Manasseh ba sha Mihngi ki jubab ïa ki khlieh jong ki longïing jong ki jait ba sha sepngi:

JOSHUA 7:1

Ïa ka jinghukum U Trai ïa ki Israel ban ym shim na Jerikho ïa kaei kaei kaba dei ban pynjot thiaw, ym shym la kohnguh. U briew uba kyrteng u Akhan um shym la kohnguh ïa kata ka hukum, bad kumta U Trai u la bitar lep ïa ki Israel. (U Akhan u dei u khun jong u Karmi bad u ksiew jong u Sabdi, bad uba na ka kur Serah, kaba long shi bynta na ka jait Judah.)

JOSHUA 7:18

Nangta u wan ïalam sha khmat ïa ka longïing jong u Sabdi sha khmat, uwei hadien uwei, bad la kdew ïa u Akhan, u khun jong u Karmi bad u ksiew jong u Sabdi.

JOSHUA 7:24

U Joshua, lem bad ki paid Israel, ki shim ïa u Akhan, ka rupa, ka barandi, ka lyngkhot ksiar, lem bad ïa ki khun shynrang bad khun kynthei jong u Akhan, ki jingri jong u, ki kada jong u, bad ki langbrot jong u, ka ïingjaiñ jong u, bad kaei kaei baroh kaba u don, bad ki ïalam ïa ki sha ka Them Jingjynjar.

JOSHUA 7:5

Ki rangbah jong ka Ai ki beh krad ïa ki naduh ka khyrdop shnong haduh ki katto katne ki par bad ki la pynïap kumba laiphew hynriew ngut ha ka lynti sharum ki lumrit. Te ki Israel ki la duh ka jingshlur bad ki la sheptieng.

2 PETROS 2:6

U Blei u la pynrem ïa ki nongbah ka Sodom bad ka Gomorrah, da kaba pynjot ïa ki da ka ding, bad u la pynlong ïa ki ka nongmuna jong kaei ka ban jia ha ki bymtip Blei.