JOSHUA 21:44 - Khasi CL Bible (BSI)

⁴⁴ U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

KA BAIBL

⁴⁴ Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

JOSHUA 21:44 ပူးပေါင်းရင်းမြစ်များ

2 KHRONIKL 13:16

Ki Israel ki phet ïap na ki Judia, bad U Blei u shah ïa ki Judia ban thombor ïa ki.

EKSODOS 23:31

Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

EKSODOS 33:14

U Trai u la ong, “Nga hi ngan leit ryngkat bad me, bad ngan ai ha me ka jingjop.”

ISAÏAH 63:14

Kumba ïalam ïa ki jingri sha ka them baseisoh, kumta U Trai u ai ka jingjahthait ha ki briew jong u. U ïalam ïa ki briew jong u bad pyndonburom ïa la ka kyrteng.

DEUTERONOMI 2:36

U Trai U Blei jong ngi u la shah ba ngin ïohknieh ïa ki shnong baroh naduh Aroer kaba harud ka Them Arnon, bad ïa ka nongbah hapdeng kata ka them, haduh Gilead. Ym don kawei ruh ka shnong ïa kaba ngim shym jop.

DEUTERONOMI 21:10

“Haba U Trai U Blei jong phi u pynjop thma ïa phi bad phi ïohkem koidi,

HEBRU 4:9

Pynban, kumba ka long, ka dang ïaisah hi ka jingjahthait ïa ki briew jong U Blei kumba U Blei u shongthait ha ka sngi kaba hynñiew.

JOSHUA 1:13

“Kynmaw kumno u Moses, u shakri jong U Trai, u la ïathuh ha phi ba U Trai U Blei jong phi un ai ha phi ïa kane ka ri ha ka phang mihngi jong ka Jordan kum ka ïing jong phi.

JOSHUA 1:15

haduh ba kin da ïohkynti ïa ka ri ha ka phang sepngi jong ka Jordan ïa kaba U Trai U Blei jong phi u la ai ha ki. Hadien ba u la pynïoh ïa ka jingshongshngain ïa ki jait Israel baroh, te phi lah ban wan phai pat bad shongsah hangne ha ka ri jong phi ha ka phang mihngi jong ka Jordan ïa kaba u Moses, u shakri U Trai, u la ai ha phi.”

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 11:12

U Joshua u la kurup ïa kine ki nongbah baroh bad ïa ki syiem jong ki, da kaba pynïap ïa uwei pa uwei, kumba u Moses, u shakri jong U Trai, u la hukum.

JOSHUA 11:23

U Joshua u la kurup ïa kata ka ri baroh kawei, kumba U Trai u la hukum ïa u Moses. U Joshua u la ai ïa ka ha ki Israel kum ka jong ki hi bad u la pynbynta ïa ka ha ki lyngkhot, kawei kawei na ka bynta kawei kawei ka jait. Kumta ki paidbah ki la shongthait na ka thma.

JOSHUA 11:8

U Trai u ai ha ki Israel ka jingjop halor jong ki; ki Israel ki tur ïaleh bad ki bad ki beh kthong ïa ki shaphang shatei haduh Misrephoth Maim bad Sidon, bad shaphang mihngi haduh ka them Mispah. Ka jingïaleh ka neh haduh ba ym don shuh uwei ruh u nongshun uba lait im.

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 22:4

Mynta, kumba u la kular, U Trai U Blei jong phi u la ai ka jingsuk ha kiwei pat ki para Israel. Kumta, khie leit phai noh sha ïing sha la ka ri kaba phi la kam kynti na ka bynta ïa lade, ka ri ha ka phang mihngi jong ka Jordan, kaba u Moses u shakri jong U Trai u la ai ha phi.

JOSHUA 22:9

Kumta ki paidbah jong ki jait Reuben, Gad, bad Manasseh ba sha Mihngi ki la leit phai pat sha ïing. Ki la iehnoh ïa kiba sah jong u paid Israel ha Shiloh ha ka ri Kanaan bad ki la mihnoh sha la ka jong ka ri, ka ri Gilead, ha kaba ki la lah shim kumba U Trai u la hukum ïa ki lyngba u Moses.

JOSHUA 23:1

Kham slem hadien kane, U Trai u la ai ha ki Israel ka jingïada na ki nongshun sawdong jong ki. Ha kata ka por u Joshua u la tymmen bha,