JOSHUA 21:43 - Khasi CL Bible (BSI)

⁴³ Kumta U Trai u la ai ha ki Israel ïa ka ri baroh ïa kaba u la kular da kaba kyntang ha ki kpa tymmen jong ki ba un ai ha ki. Haba ki la shimti ïa ka, ki la shongduh hangta.

KA BAIBL

⁴³ Kumta U Trai u la ai ha ki Israel ïa kata ka ri baroh ïa kaba u la smai ban ai ha ki kpa jong ki; bad ki la ïoh ïa ka, bad ki la shong ha ka.

JOSHUA 21:43 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

2 KHRONIKL 20:8

Ki la shong la sah hangne bad tei ïa ka templ ban burom ïa me, da kaba tip

NEHEMAÏAH 9:24

Ki la jop ïa ka ri Kanaan; me la jop ïa ki briew kiba shong hangta. Me la ai ïa ki briew jong me ka bor ban leh ïa kaba ki sngewbha bad ki briew bad ki syiem ka Kanaan.

NEHEMAÏAH 9:8

Me shem ba u ïaineh ha me, bad me pynlong ka jingïateh kular bad u. Me kular ban ai ha u ïa ka ri ki Kanaan, ka ri jong ki Hit bad ki Amor, ka ri ki Peris, ki Jebus bad ki Girgash, kan long ka ri ha kaba ki khun ki ksiew jong u kin shong kin sah. Me bat ïa la ka kular, namar me long uba ïaineh.

SALM 105:8

Un bat ïa ka jutang jong u junom, ki jingkular jong u na ka bynta ki hajar ki pateng.

SALM 44:3

Ki briew jong me kim shym la jop ïa ka ri da ki waitlam jong ki; kim shym la jop ïa ka da ka bor jong ki hi; ka la long da ka bor jong me bad ka jingkhlaiñ jong me, da ka jingthikna jong ka jingdon ryngkat jong me, kaba pyn-i ba me ieit ïa ki.

SALM 78:55

U la beh noh ïa ki nongshong shnong katba ki briew jong u ki dang jam shaphrang; u la pynbynta ïa ka ri jong ki hapdeng ki jait jong ka Israel bad u la ai ïa ki ïing jong ki ha ki briew jong u.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JINGKHEIÑ 33:53

Kam kynti ïa ri bad shongsah hangta, namar nga ai ïa ka ha phi.

JINGKHEIÑ 34:2

ïa kine ki jingbthah harum na ka bynta ki paid Israel: “Ynda phi rung sha Kanaan, ka ri kaba nga ai ïa phi, ki pud jong ka hima jong phi kin long kumne harum.

DEUTERONOMI 11:31

Haba phin sa jam ïa ka wah Jordan bad ïohkynti ïa kata ka ri ïa kaba U Trai u ai ha phi. Ynda phi ïoh ïa ka bad shong hangta,

DEUTERONOMI 12:29

“U Trai U Blei jong phi un pynjot ïa kita ki jaitbynriew katba phi nang leit ban knieh ïa ka ri jong ki, ba phin ïohkynti ïa ka bad shong hangta.

DEUTERONOMI 17:14

“Ynda phi la ïohkynti ïa kata ka ri ba U Trai U Blei jong phi u ai ha phi bad phi la shong la sah hangta, phin sa ïa-pyrkhat ban don noh u syiem kumba ïalong lem ki jaitbynriew baroh sawdong jong phi.

DEUTERONOMI 34:4

Nangta U Trai u ong ha u Moses, “Kane ka long kata ka ri ba nga la kular ïa u Abraham, u Isaak, bad u Jakob ban ai ha ki khun ki ksiew jong ki. Nga la shah ïa me ban ïohi ïa ka, hynrei ngan ym shah ba men leit shata.”

JOSHUA 1:6

Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

NONGBISHAR 11:24

Hato men dang leit ban shim biang ïa ka? Me lah ban bat kat ïa kaba u Khemosh u blei jong me u la ai ha me. Hynrei ngi te ngin bat ïa kata baroh kaba U Trai, U Blei jong ngi, u la ai ha ngi.

1 SAMUEL 12:8

Haba u Jakob bad ka ïing jong u ki leit sha Ijipt, bad ki nong Ijipt ki banbeiñ ïa ki, ki kpa tymmen jong phi ki kyang ban ïoh jingïarap sha U Trai, bad U Trai u phah ïa u Moses bad u Aaron, kiba la wan ïalam noh ïa ki na Ijipt bad pynshong pynsah ïa ki ha kane ka ri.