JOSHUA 21:4 - Khasi CL Bible (BSI)

⁴ Ki longïing na ka kur Kohath jong ka jait Lebi ki long kiba nyngkong eh ban ïoh ïa ki nongbah. Ki longïing kiba hiarpateng na u Aaron u lyngdoh ki ïoh khatlai tylli ki nongbah na ki jaka jong ki jait Judah, Simeon bad Benjamin.

KA BAIBL

⁴ Bad ka jingkhalai ka la hap ha ka ïing ki Kohath: bad ki khun u Aaron lyngdoh, kiba long ki Lebi, ki la ïoh da ka jingkhalai na ka jaid u Judah, bad na ka jaid u Simeon, bad na ka jaid u Benjamin, khatlai ki nongbah.

JOSHUA 21:4 ပူးပေါင်းရင်းမြစ်များ

1 KHRONIKL 6:39

U Asaph u dei u nongïalam ïa ka kynhun nongrwai kaba ar. Ka pateng longïing jong u ka wan naduh u Lebi kumne harum: U Asaph, u Berekhaïah, u Shimea, U Mikhael, u Baaseïah, u Malkhijah U Ethni, u Serah, u Adaïah, U Ethan, u Simmah, u Shimei, U Jahath, u Gershon, u Lebi.

EKSODOS 6:16

U Lebi u don lai ngut ki khun shynrang: u Gershon, u Kohath, bad u Merari; kine ki la long ki kpa tymmen jong kito ki jait kiba ai kyrteng da ki. U Lebi u la im haduh shispah laiphew hynñiew snem ka rta.

EKSODOS 6:20

U Amram u shongkurim ïa ka Jokhebed, ka para jong u kpa jong u, bad ka la kha ïa u Aaron bad u Moses. U Amram u la im haduh shispah laiphew hynñiew snem ka rta.

JINGKHEIÑ 3:27

Na ka jait u Kohath ki mih ki longïing jong u Amram, u Ishar, u Hebron, bad u Ussiel.

JOSHUA 21:3

Kumta, kat kum ka hukum U Trai, ki paid Israel ki ai ha ki Lebi katto katne tylli ki nongbah lem bad ki pyntha phlang na ki jaka jong ki.

JOSHUA 21:5

Kiwei pat kiba sah jong ka kur Kohath ki ïoh shiphew tylli ki nongbah na ki jaka jong ki jait Ephraim, Dan, Manasseh ba sha Sepngi.

JOSHUA 24:33

U Eleasar u khun jong u Aaron u la ïap, bad la tep ha Gibeah, ka shnong ha ka ri lum Ephraim ïa kaba la ai ha u khun jong u, u Phinehas.