JOSHUA 20:8 - Khasi CL Bible (BSI)

⁸ Ha ka phang mihngi jong ka Jordan, ha ka padun ri shyiap sha mihngi jong ka Jerikho, ki jied ïa ka Beser kaba ha ka jaka ki jait Reuben, ïa ka Ramoth ha Gilead ha ka jaka ki jait Gad; bad ïa ka Golan ha Bashan ha ka jaka ki jait Manasseh.

KA BAIBL

⁸ Bad sha shiliang ka Jordan shaphang mihngi ïa ka Jerikho, ki la buh ïa ka Beser ha ri khlaw ha ka ri madan na ka jaid u Reuben, bad ïa ka Ramoth ha Gilead na ka jaid u Gad, bad ïa ka Golan ha Bashan na ka jaid u Manasseh.

JOSHUA 20:8 ပူးပေါင်းရင်းမြစ်များ

1 SYIEM 22:6

Kumta u Ahab u khot ïa ki nongïathuhlypa, kumba sawspah ngut na ki, bad u kylli ïa ki, “Hato ngan leit ne em ban tur ïaleh ïa ka Ramoth?” “Tur ïaleh ïa ka,” ki jubab, “U Trai un ai ha phi ïa ka jingjop.”

2 SYIEM 8:28

U Syiem Ahasaïah u ïasnohkti lang bad u Joram u syiem ka Israel ban ïaleh thma pyrshah ïa u Hasael u syiem ka Syria. Ki kynhun shipai ki la ïaleh ha Ramoth kaba ha Gilead, bad u Joram u la mynsaw ha ka thma.

1 KHRONIKL 6:78

Ha ka thain Reuben, sha mihngi ka wah Jordan palat ka Jerikho: ka Beser halor ka padun lum, Jahsah,

1 KHRONIKL 6:80

Ha ka thain Gad: Ka Ramoth ha Gilead, ka Mahanaim,

DEUTERONOMI 3:10

Ngi la ïohknieh ïa ka ri u Og u Syiem Bashan baroh kawei: ïa ki nongbah baroh ha ka madan lum, ïa ki ri Gilead bad Bashan, haduh ki shnong Salekah bad Edrei shaphang mihngi.”

DEUTERONOMI 4:43

Ïa kiba na ka jait Reuben, ka don ka shnong Beser ha kawei ka madan kaba halor lum ha ka ri shyiap; ïa kiba na ka jait Gad, ka don ka Ramoth ha ri Gilead; bad ïa kiba na ka jait Manasseh, ka don ka Golan ha ri Bashan.

JOSHUA 20:7

Kumta, ha ka liang sepngi jong ka Jordan ki buh kyrpang ïa ka Kedesh ha Galilaïa, ha ka ri lum Naphtali, ïa ka Shekhem ha ka ri lum Ephraim, bad ïa ka Hebron ha ka ri lum Judah.

JOSHUA 20:9

Kine ki long ki nongbah jakarieh ïa kiba la jied na ka bynta ki paid Israel baroh, bad na ka bynta uno uno u nongwei uba shong hapdeng jong ki. Uno uno uba pynïap briew da ka jingjia ryngkhat u lah ban shem jingïada hangta na uta uba wad kput; kim lah ban pynïap ïa u lymda u ïohpdiang shuwa ïa ka jingbishar paidbah.

JOSHUA 21:27

Kiwei pat ki kynhun jong ki Lebi, ka kur Gershon, ka ïohpdiang ar tylli ki nongbah na ka jaka jong ka Manasseh ba sha Mihngi: ka Golan ha Bashan (kawei na ki nongbah jakarieh) bad ka Beeshterah lem bad ki pyntha phlang jong ki.

JOSHUA 21:36

Na ka jaka jong ka jait Reuben ki la ïohpdiang saw tylli ki nongbah: ka Beser, ka Jahas

JOSHUA 21:38

Na ka jait Gad ki la ïohpdiang saw tylli ki nongbah: ka Ramoth ha Gilead, lem bad ki pyntha phlang jong ka (kawei na ki nongbah jakarieh), ka Mahanaim,