JOSHUA 2:9 - Khasi CL Bible (BSI)

⁹ bad ka ong ha ki, “Nga tip ba U Trai u la ai ha phi ïa kane ka ri. Uwei pa uwei ha ka ri u la dap da ka jingsheptieng ïa phi.

KA BAIBL

⁹ ka la ong ruh ha kita ki briew, “Nga tip ba U Trai u la ai ha phi ïa kane ka ri, bad ba ka jingsheptieng ïa phi ka la hap halor jong ngi, bad baroh ki trai-shnong kane ka ri kim don mynsiem shuh ïa phi.

JOSHUA 2:9 ပူးပေါင်းရင်းမြစ်များ

JENESIS 35:5

Haba u Jakob bad ki khun shynrang jong u ki sdang ban mih, ka jingsheptieng kaba khraw ka la wan hap ha ki briew kiba don ha ki shnong ba-marjan, bad kim shym la beh satia ïa ki.

2 SAMUEL 17:10

Nangta wat ki rangbah kiba shlur tam, ki bym ju tieng kum ki sing, kin sheptieng namar uwei pa uwei ha Israel u tip ba u kpa jong phi u dei u shipai bakhraw bad ba ki rangbah jong u ki dei ki nongïaleh kiba satar.

2 SYIEM 5:15

U la leit phai pat sha u Elisha lem bad baroh ki rangbah jong u bad u ong, “Mynta nga tip ba ym don uno uno u blei hynrei tang U Blei ki Israel; kumta sngewbha, ko kynrad, pdiang ïa ka jingai sngewbha na nga.”

2 SYIEM 7:6

U Trai u la pynlong ïa ki Syria ban ïohsngew ïa ka jingsawa kum ka jingwan jong ki shipai babun, lem bad ki kulai bad ki kali ïapom, bad ki Syria ki la pyrkhat ba u syiem ka Israel u la khot nong ïa ki syiem Hit bad Ijipt bad ïa ki kynhun shipai jong ki ban wan tur ïaleh ïa ki.

NEHEMAÏAH 6:16

Haba ki nongshun jong ngi kiba don ha ki jaitbynriew sawdong jong ngi ki ïohsngew ïa kane, ki la sngewthuh ba ki la poi ha ka jinglehrain, namar baroh ki tip ba ïa ka jingtrei la pyndep da ka jingïarap U Blei.

ESTHER 8:17

Ha kawei pa kawei ka nongbah bad probins, hangno hangno ba la pule ïa ka jingpynbna u syiem, ki Jiw ki pynlong ki shuti lehkmen ryngkat bad ki jingkhawai sngewbha bad jingkmen. Ha ka jingshisha, bun kiwei ki briew ki la kylla Jiw, namar mynta ki la sheptieng ïa ki.

Ka Kitab U Job 19:25

Hynrei nga tip ba don ha bneng u ban wan ha kaba khatduh ban pynksan ïa nga.

SALM 112:10

Ki bymman ki ïohi ïa kane bad ki bitar; u peit bitar ha ka jingisih bad ki jah noh; ka jingkyrmen jong ki ka duh noh junom.

SALM 115:16

Ka bneng ka long ka jong U Trai hi, hynrei u ai ïa ka pyrthei ha u bynriew.

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

EKSODOS 23:27

“Ngan pynlong ïa ki briew kiba ïeng pyrshah ïa phi ban sheptieng ïa nga; ngan pynkulmar thlim ïa kito kiba phi ïaleh pyrshah, bad ngan pynher krad ïa ki nongshun jong phi.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 23:5

Wat ki nong Ijipt kin kyndit bad khuslai haba ki tip ba ïa ka Tyros la pynjot.

JEREMAÏAH 27:5

“Da ka bor bakhraw bad ka jingkhlaiñ jong nga, nga la thaw ïa ka pyrthei, ïa u khunbynriew, bad ïa baroh ki mrad kiba im ha ka khyndew; bad nga ai ïa ka ha uno uno uba nga jied.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

JINGKHEIÑ 20:14

U Moses u la phah ïa ki nonglamktien na Kadesh sha u syiem Edom. Ki ong, “Kane ka khubor ka wan na ki para kur jong phi, kiba na ka jait Israel. Phi tip ïa ki jingeh kiba ngi la shah,

JINGKHEIÑ 20:24

“U Aaron un ym ïohrung ha kata ka ri ba nga la kular ban ai ha ki Israel; un sa ïap noh, namar baroh ar ngut phi la ïaleh pyrshah ïa ka hukum jong nga ha Meribah.

MATHAÏOS 20:15

Hato ngam don ka hok ban leh katba nga sngewbit ïa la ka jong ka pisa? Ne phi ïa-bishni namar ba nga long uba sbun?’ ”

DEUTERONOMI 11:25

Shano shano shaba phi leit ha kata ka ri, U Trai U Blei jong phi un pynlong ïa ki briew ba kin sheptieng ïa phi, kumba u la kular, bad ym don mano mano ruh ban pynsangeh ïa phi.

DEUTERONOMI 2:25

U briew baroh un khynñiuh da ka jingsheptieng tang shu ïohsngew ïa ka kyrteng jong phi.’

DEUTERONOMI 28:10

Te ki jaitbynriew ka pyrthei kin ïohi ba U Trai u la jied ïa phi ban long ki briew jong u, bad kin sheptieng ïa phi.

DEUTERONOMI 32:8

U Bahakhlieh Tam Eh u la bynta jaka ïa ki jaitbynriew; u la buh hangno ki briew kin shong. U la ai uwei u blei ïa kawei kawei ka jaitbynriew,

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

JOSHUA 2:11

Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 2:8

Shuwa ba kita ki nongsyntiat kin khreh thiah noh, ka Rahab ka la leit sha tnum ïing

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

JOSHUA 6:2

U Trai u ong ha u Joshua, “Nga buh ha ki kti jong me ïa ka Jerikho, lem bad u syiem jong ka bad ïa ki shipai bashlur jong u baroh.

JOSHUA 9:10

bad kaei kaba u la leh ïa ki ar ngut ki syiem Amor kiba ha ka phang mihngi jong ka Jordan: u Sihon u syiem ka Heshbon bad u Og u syiem ka Bashan, uba shong ba sah ha Ashtaroth.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JOSHUA 9:9

Nangta ki ïathuh ha u ïa kane ka khana: “Bah, ngi la wan na ka ri kaba jngai, namar ngi la ïohsngew shaphang U Trai U Blei jong phi. Ngi la ïohsngew ïa kaei kaei baroh kaba u la leh ha Ijipt

NONGBISHAR 7:14

U paralok jong u, u phai ktien, “Ka dei ka waitlam jong u nong Israel, u Gideon u khun jong u Joash! Kam mut da kumwei pat! U Blei u la ai ha u ka jingjop halor ki Midian bad ïa ka kynhun shipai jong ngi baroh.”