JOSHUA 2:14 - Khasi CL Bible (BSI)

¹⁴ Ki rangbah ki ong ha ka, “Ai ba U Blei un shim noh ïa ka jingim jong ngi lada ngim leh kumba ngi kular! Lada phim ïathuh hano hano ïa kaei kaba ngi la leh, ngi kular ïa phi ba ynda U Trai u ai ha ngi ïa kane ka ri, ngin lehbha shisha ïa phi.”

KA BAIBL

¹⁴ Te kita ki briew ki la ïathuh ha ka, “Ka jingim jong ngi namar ka jong phi, lada phin ym pynpaw ïa kane ka kam jong ngi; kan long ruh, haba U Trai un ai ïa kane ka ri ha ngi, ba ngin leh isynei bad kaba shisha ïa phi.”

JOSHUA 2:14 ပူးပေါင်းရင်းမြစ်များ

JENESIS 24:49

Mynta, lada phi mut ban pyndep ïa ka jingkitkhlieh kaba phi don ïa u kynrad jong nga bad ban lehhok ïa u, to sngewbha ïathuh ïa nga; te lada kam long, to ong kumta, bad ngan sa rai aïu ngan leh.”

JENESIS 47:29

Shuwa ba u Jakob un ïap, u khot ïa u Joseph u khun jong u, bad u ong ha u, “Buh ïa la ka kti hapdeng ki lbong jong nga, bad kular da shisha ba phin ym tep ïa nga ha Ijipt.

2 SAMUEL 2:5

u la phah shata katto katne ngut ki rangbah lem bad kane ka khubor: “To U Trai un kyrkhu ïa phi namar ka jingpyn-i ïa ka jingieit ïa la u syiem da kaba tep ïa u.

2 SAMUEL 2:6

Bad mynta pat, to U Trai un lehsbun bad ïaineh skhem bad phi. Nga ruh ngan lehbha ïa phi namar kaei kaba phi la leh.

2 SAMUEL 9:1

Ha kawei ka sngi, u Dabid u kylli, “Don mano mano ba dang sah na ka longïing jong u Saul? Lada don, nga kwah ban pyn-i ka jingbhasbun ïa u na ka bynta u Jonathan.”

1 SYIEM 20:39

Katba u syiem u dang ïaid, u nongïathuhlypa u khot ïa u bad ong, “Syiem Kynrad, katba nga dang ïaleh thma, u shipai u wallam sha nga ïa u nongshun ba shah kem bad u ong, ‘Ap bha ïa une u briew; lada u lait phet, phin hap ban siew da la ka jong ka jingim lane phin hap siew kuna lai hajar ki sbai rupa.’

PROBERB 14:22

Phin ïoh ïa ka jingshaniah bad jingñiewkor na kiwei lada phi trei na ka bynta kaba bha; lada phi trei na ka bynta kaba sniew, phi leh ïa kaba bakla.

PROBERB 18:24

Ki don ki jingïadei paralok ki bymneh, hynrei ki don ki paralok kiba lah ban shaniah palat ban ïa ki hynmen ki para.

MATHAÏOS 5:7

Suk kito kiba isynei ïa kiwei pat; U Blei un isynei ïa ki!

KI KAM 23:22

U rangbah ai hukum u la ong, “Wat ïathuh hano hano ba me la ïathuh ïa kane ha nga.” Bad u la phah noh ïa uta u samla.

JOSHUA 2:13

To kular ba phin pyllait im ïa i mei bad i pa, ki hynmen bad ki para jong nga, shynrang bad kynthei, bad ïa ki longïing longsem jong ki baroh. Wat shah ba yn pynïap ïa ngi!”

JOSHUA 2:15

Ka Rahab ka shong ka sah ha kawei ka ïing kaba la tei halor ka kynroh shnong hi; kumta ka la pynhiar shapoh ïa ki rangbah da u tyllai na ka jingkhangïit.

JOSHUA 6:17

Ïa ka nongbah bad baroh kiba don ha ka dei ban pynjot thiaw kum ka jingainguh ha U Trai. Tang ïa ka Rahab ka nuti bad ïa ka longïing longsem jong ka yn pyllait im, namar ka la pynrieh ïa ki nongsyntiat jong ngi.

JOSHUA 6:22

Nangta u Joshua u ong ïa ki ar ngut ki rangbah kiba la shakri kum ki nongsyntiat, “Khie leit sha ka ïing jong ka nuti bad wan ïalam ïa ka bad ïa ka longïing longsem jong ka, kumba phi la kular ïa ka.”

JOSHUA 6:25

Hynrei u Joshua u la pyllait im ïa ka Rahab ka nuti bad ïa ki ba-ha-ïing ha-sem jong ka baroh, namar ba ka la pynrieh ïa ki ar ngut ki nongsyntiat kiba u la phah sha Jerikho. (Ki khun ki ksiew jong ka ki shong ki sah ha Israel haduh kane ka sngi.)

1 SAMUEL 20:8

Sngewbha leh ïa kane namar jong nga; bad bat ïa ka jingkular bakyntang kaba phi la ai ha nga. Hynrei lada nga long ba la pynrem, pynïap ïa nga da lade hi! Balei phin shim ïa nga sha i pa jong phi ban shah pynïap?”