JOSHUA 2:12 - Khasi CL Bible (BSI)

¹² Mynta to smai da u ba phin lehbha ïa ka longïing jong nga kumba nga la leh ïa phi, bad ai ha nga katto katne ka dak ba nga lah ban shaniah ïa phi.

KA BAIBL

¹² Te namar kata, nga duwai ha phi, to smai ha nga da U Trai, namar ba nga la leh isynei ïa phi, ba phi ruh phin leh isynei ïa ka ïing u kpa jong nga, bad ba phin ai ka dak kaba shisha ha nga:

JOSHUA 2:12 ပူးပေါင်းရင်းမြစ်များ

JENESIS 21:23

Kumta to kular skhem hangne ha khmat U Blei ba men ym shukor ïa nga, ïa ki khun ki kti jong nga, lane ïa ki nonghiarpateng jong nga. Nga la ju lehhok ïa me, kumta to kular ba men lehhok kylliang ïa nga bad ïa kane ka ri ha kaba me shong me sah.”

JENESIS 24:3

Nga kwah ïa me ban pynlong ka jingsmai ha ka kyrteng U Trai, U Blei jong ka bneng bad ka khyndew, ba men ym jied ka tnga ïa u khun jong nga na ki briew hangne ha ri Kanaan.

JENESIS 24:9

Kumta uta u shakri u buh ïa la ka kti hapdeng ki lbong jong u Abraham, u kynrad jong u, bad u pynlong ka jingsmai ban leh ïa kaei kaba u Abraham u la hukum ïa u.

JENESIS 40:14

Hynrei sngewbha kynmaw lem ïa nga haba kiei kiei ki bit ki biang ïa phi, bad sngewbha ruh ban ïathuh lem shaphang jong nga ha u syiem bad ïarap lem ïa nga ban ïohlait noh na kane ka ïingbyndi.

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

ESTHER 8:6

Kumno ngan lah ban shah ïa ka lada kane ka jingjot ka wan hap ha ki briew jong nga, bad ki ba-ha-ïing ha-sem jong nga ki shah pynïap?”

EKSODOS 12:13

Ka snam ha ki shawkad kan long ka dak ban pyn-i ïa ki ïing ha kiba phi shong. Haba nga ïohi ïa kata ka snam, ngan ïaid lait na phi, bad ngan ym ktah ïa phi haba nga pynshitom ïa ki nong Ijipt.

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

MARKOS 14:44

U nongshetkylla u la lah ai ha u paidbah ïa ka dak: “U briew ïa uba ngan doh u dei uta ïa uba phi kwah. Kem ïa u bad ïalam ïa u da kaba ap phira bha.”

Ka Shithi U Paul Sha Ki Nong Rom 1:31

kim don ka jingïatiplem; kim bat ïa la ki kular, bad kim pyn-i jingsbun lane jingisynei ïa kiwei pat.

1 TIMOTHI 5:8

Hynrei lada uno uno um sumar ïa la ki ba-ha-ïing ha-sem, khamtam ïa ki dkhot ka longïing jong u hi, u la len ïa ka jingngeit bad u kham sniew ban ïa u bymngeit.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JOSHUA 2:13

To kular ba phin pyllait im ïa i mei bad i pa, ki hynmen bad ki para jong nga, shynrang bad kynthei, bad ïa ki longïing longsem jong ki baroh. Wat shah ba yn pynïap ïa ngi!”

JOSHUA 2:18

Kane ka dei kaba pha dei ban leh. Haba ngi wan hiarthma ïa ka ri jong pha, teh ïa une u 'saisaw ha ka jingkhangïit na kaba pha la pynhiar shapoh ïa ngi. Lumlang ha ïing jong pha ïa la ka kmie bad u kpa, ki hynmen ki para shynrang, bad ki ba-ha-ïing ha-sem jong pha baroh.

JOSHUA 2:19

Lada uno uno u mih shabar jong kane ka ïing, ka jingïap jong u kan dei ka jingbakla jong u hi, bad ngin ym kitkhlieh ei ei; hynrei lada la pynmynsaw ïa uno uno uba hapoh ka ïing, te ngi ngin kitkhlieh.

JOSHUA 6:22

Nangta u Joshua u ong ïa ki ar ngut ki rangbah kiba la shakri kum ki nongsyntiat, “Khie leit sha ka ïing jong ka nuti bad wan ïalam ïa ka bad ïa ka longïing longsem jong ka, kumba phi la kular ïa ka.”

JOSHUA 9:15

U Joshua u pynlong ka jingïateh lok bad ki briew jong ka Gibeon bad u la shah ïa ki ba kin im. Ki nongïalam jong ka kynhun ki Israel ki ai ka jingkular skhem ba kin bat ïa kata ka jingïateh lok.

NONGBISHAR 1:24

kiba la ïohi ïa uwei u briew uba wan mih bad ki ong ha u, “Pyni ïa ngi kumno ngin ïohrung shapoh ka nongbah bad ngin ym pynmynsaw ïa phi.”

1 SAMUEL 30:15

U Dabid u ong ïa u, “Men ïalam ïa nga sha kito ki nonglute?” U jubab, “Ngan leit lada phi kular ïa nga ha ka kyrteng U Blei ba phin ym pynïap ïa nga lane aiti ïa nga ha u kynrad jong nga.”