JOSHUA 2:11 - Khasi CL Bible (BSI)

¹¹ Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.

KA BAIBL

¹¹ Te katba ngi la ïohsngew ïa kata, ki dohnud jong ngi ki la um, lymne ha uno uno ruh ym sah mynsiem shuh ïa phi: naba U Trai U Blei jong phi u long U Blei ha bneng sha jrong, bad ha ka khyndew shapoh.

JOSHUA 2:11 ပူးပေါင်းရင်းမြစ်များ

1 SYIEM 8:60

Bad kumta ki jaitbynriew baroh jong ka pyrthei kin tip ba tang U Trai hi u long U Blei — ym don uwei pat.

2 SYIEM 5:15

U la leit phai pat sha u Elisha lem bad baroh ki rangbah jong u bad u ong, “Mynta nga tip ba ym don uno uno u blei hynrei tang U Blei ki Israel; kumta sngewbha, ko kynrad, pdiang ïa ka jingai sngewbha na nga.”

NEHEMAÏAH 6:16

Haba ki nongshun jong ngi kiba don ha ki jaitbynriew sawdong jong ngi ki ïohsngew ïa kane, ki la sngewthuh ba ki la poi ha ka jinglehrain, namar baroh ki tip ba ïa ka jingtrei la pyndep da ka jingïarap U Blei.

ESTHER 8:17

Ha kawei pa kawei ka nongbah bad probins, hangno hangno ba la pule ïa ka jingpynbna u syiem, ki Jiw ki pynlong ki shuti lehkmen ryngkat bad ki jingkhawai sngewbha bad jingkmen. Ha ka jingshisha, bun kiwei ki briew ki la kylla Jiw, namar mynta ki la sheptieng ïa ki.

SALM 102:15

Ki jaitbynriew kin sheptieng ïa U Trai; baroh ki syiem jong ka pyrthei kin sheptieng ïa ka bor jong u.

SALM 22:14

Ka jingkhlaiñ jong nga ka la duh, ka la leit noh kum ka um kaba hoit ha madan. Baroh ki shyieng jong nga ki lah tor lut; ka dohnud jong nga ka long kum ka bthing ba la um.

SALM 58:7

To ai ba kin jah noh kum ka um ba-jreiñ noh shawei; to ai ba yn pynlwet ïa ki kum ki ñiut ha ka lynti ïaid.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

EKSODOS 15:14

Ki jaitbynriew ki la ïohsngew, bad ki la kyiuh da ka jingsheptieng; ïa ki Philistia la kynrup da ka jingsngewtriem.

EKSODOS 15:15

Ki nongïalam jong ka Edom ki la sngewshyrkhei; ki rangbah bakhlaiñbor jong ka Moab ki sngewkyiuh; ki briew ka Kanaan ki duh noh ïa ka jingshlur jong ki.

ISAÏAH 13:7

Ki kti jong uwei pa uwei kin noh kyrwep, bad ka jingshlur jong uwei pa uwei kam lah kyrda.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ESEKIEL 21:15

Ka pynlong ïa ki briew jong nga ban duh ka jingshlur bad ban kyllon. Nga byrngem ïa ka nongbah jong ki da ka waitlam kaba thaba kum ka leilieh bad ka pynkhreh ban pynïap.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

DEUTERONOMI 1:28

Ngin ïaleit lei shata? Ngi te ngi sheptieng. Kito ki rangbah kiba ngi la phah ki ïathuh ïa ngi ba ki briew hangta ki kham khlaiñ bad kham jrong ban ïa ngi, bad ba ki shong ha ki nongbah kiba ki kynroh jong ki, ki kynjoh ïa ka suiñbneng. Ki la ïohi ruh hangta ïa ki ramhah.’

DEUTERONOMI 20:8

“Kita ki rangbah synshar kin ong ruh ha uta u paidïapom, ‘Don mo hangne uba sheptieng bad uba rit mynsiem? Lada don, ai un leit phai sha la ïing, ïoh ba u pynsyier mynsiem ïa kiwei pat.’

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

JOSHUA 14:8

Ki rangbah kiba ïaleit ryngkat bad nga, pynban, ki pynsheptieng ïa ki briew jong ngi. Hynrei nga, nga la kohnguh hok ïa U Trai U Blei jong nga.

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

JOSHUA 7:5

Ki rangbah jong ka Ai ki beh krad ïa ki naduh ka khyrdop shnong haduh ki katto katne ki par bad ki la pynïap kumba laiphew hynriew ngut ha ka lynti sharum ki lumrit. Te ki Israel ki la duh ka jingshlur bad ki la sheptieng.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JINGPYNPAW 6:16

Ki la pyrta ha ki lumbah bad ha ki mawsiang, “To tap halor jong ngi bad to buhrieh noh ïa ngi na ki khmat jong uta uba shong halor ka khet bad na ka jingbitar U Khunlangbrot!