JOSHUA 18:8 - Khasi CL Bible (BSI)

⁸ Ki rangbah ki la leit ban jurip ïa ka ri hadien ba u Joshua u la ai ha ki ïa kine ki jingbthah: “Khie ïaid ïa ka ri baroh kawei bad jurip ïa ka, bad wan phai pat sha nga. Nangta, hangne ha Shiloh ngan ïakren bad U Trai na ka bynta jong phi da kaba kynting sbai.”

KA BAIBL

⁸ Bad kita ki briew ki la ïaïeng, bad ki la ïaleit: bad u Joshua u la hukum ïa kita kiba leit jurib ïa ka ri, u da ong, “Khie leit ïaid ïa ka ri baroh, bad jurib ïa ka, bad wan pat sha nga, bad ngan pynkhalai na ka bynta jong phi hangne ha khmat U Trai ha Sheiloh.”

JOSHUA 18:8 ပူးပေါင်းရင်းမြစ်များ

JENESIS 13:17

Mynta, khie leit bad khmih ïa ka ri baroh kawei, naba ngan ai ïa ka baroh ha me.”

ISAÏAH 34:17

U dei U Trai u ban ïasam ïa ka ri hapdeng jong ki bad ai hapdeng jong ki ban ïa-ïoh bynta lang. Kin ïa-im ha ka ri na kawei ka rta sha kawei pat, bad kan long ka jong ki junom.

Ka Shithi U Paul Sha Ki Nong Rom 14:19

Te kumta, ngi dei borabor ban thmu ban leh ïa kita kiei kiei kiba wallam ka jingsuk bad kiba ïarap ban pynkhlaiñ iwei ïa iwei pat.

JOSHUA 13:7

Mynta te, pynbynta ïa kane ka ri hapdeng kiwei pat ki khyndai jait bad ha ka shiteng na ka jait Manasseh, na ka bynta jong ki ba kin ïohkynti kum la ka jong.”

JOSHUA 15:1

Ki longïing jong ka jait Judah ki la ïohpdiang shi bynta ka jaka kumba la batai harum: Ka ri ka kynjoh shathie sha ka tduh eh kaba shathie jong ka ri khlaw Sin, ha ka pud jong ka Edom.

JOSHUA 18:1

Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.

JOSHUA 18:10

U Joshua u la kynting sbai ban ïakren bad U Trai na ka bynta jong ki, bad u la ai ha kawei pa kawei na ki jait kiba sah jong ki Israel shi bynta jong ka ri.

JOSHUA 18:6

To thoh ka jingbatai shaphang kine ki hynñiew bynta bad wallam ïa ka sha nga. Nangta ngan kynting sbai ban ïakren bad U Trai U Blei jong ngi na ka bynta jong phi.

JOSHUA 18:9

Kumta ki rangbah ki la leit kylleng ka ri bad ki la buh jingthoh kumno ki la pynbynta ïa ka ha ki hynñiew bynta, da kaba thoh ter ter ïa ki kyrteng jong ki nongrit. Nangta ki la leit phai pat sha U Joshua ha ka jaka shong dara ha Shiloh.

1 SAMUEL 14:41

U Saul u ong ha U Trai, U Blei ki Israel, “A Trai, balei mem shym jubab ïa nga mynta ka sngi? Ko Trai, U Blei ki Israel to jubab ïa nga da ki mawkyntang. Lada ka dei ka pop jong u Jonathan ne ka jong nga, to jubab da u Urim; hynrei lada ka dei ka jong ki Israel ki briew jong me, jubab da u Thummim.” Ka jubab ka kdew ïa u Jonathan bad u Saul; bad u paidbah u lait.