JOSHUA 18:28 - Khasi CL Bible (BSI)

²⁸ ka Sela, ka Haeleph, ka Jebus (lane ka Jerusalem), ka Gibeah, bad ka Kiriath Jearim: khatsaw tylli ki nongbah, lem bad ki nongrit sawdong jong ki. Kane ka long ka ri kaba ki longïing na ka jait Benjamin ki la ïohpdiang kum ka jingïohkynti jong ki.

KA BAIBL

²⁸ bad ka Selah, ka Eleph, bad ka Jebus (kata ka long “ka Jerusalem”), ka Gibeah, bad ka Kiriath; khatsaw ki nongbah bad ki nongrit jong ki de. Kane ka long ka ri kynti ki khun u Benjamin kat kum ki ïing jong ki.

JOSHUA 18:28 ပူးပေါင်းရင်းမြစ်များ

2 SAMUEL 21:14

Nangta ki la tep ïa ki shyieng jong u Saul bad u Jonathan ha ka jingtep jong u Kish, u kpa jong u Saul, ha Sela ha ka ri Benjamin, ki da pyndep ïa kata baroh kaba u syiem u la hukum. Bad hadien kata, U Blei u jubab ïa ki jingduwai jong ki na ka bynta ka ri.

2 SAMUEL 5:6

Ka poi ka por haba u Syiem Dabid bad ki rangbah jong u ki mih ban tur ïaleh ïa ka Jerusalem. Ki Jebus, kiba shong hangta, ki pyrkhat ba u Dabid um lah ban jop ïa ka nongbah, bad kumta ki ong ha u, “Men ym ïohrung hangne da lei lei; wat kiba matlah bad kiba dkoh ki lah ban khang ïa me.”

2 SAMUEL 5:8

Ha kata ka sngi u Dabid u ong ha ki rangbah jong u, “Hato don uno uno hangne uba isih ïa ki Jebus kumba isih ma nga? Haduh katta kat ban pynïap ïa ki? Te khie leit kiew lyngba ka nur-um bad tur ïaleh ïa kito ki bapli ki matlah bad ki dkoh.” (Dei na kata ka daw ba la ong, “Kiba matlah bad kiba dkoh kim lah ban rung sha ka ïing ka jong U Trai.”)

1 KHRONIKL 8:28

Kine ki dei ki kpa tymmen kiba long ki khlieh jong ki longïing kat kum ki pateng jong ki, bad ki dei ruh ki riewpawkhmat kiba shong basah ha Jerusalem.

ISAÏAH 10:29

Ki la jam sha shiliang ïa ka khim bad ki la pynlut ïa ka miet ha Geba! Ki briew ha ka shnong Ramah ki la sngewshyrkhei, bad ki briew jong ka Gibeah ka shnong trai jong u Syiem Saul, ki la phet krad.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

HOSIA 10:9

U Trai u ong, “Ki paid Israel kim shym la sangeh ban leh pop pyrshah ïa nga naduh ka por ba ki leh pop ha Gibeah. Kumta ha Gibeah ka thma kan lap ïa ki.

JINGKHEIÑ 26:38

Ka jait Benjamin: Ki kur u Bela, u Ashbel, u Ahiram,

JINGKHEIÑ 26:54

Ïasam ïa ka da kaba kynting sbai. Ai ïa ka bynta kaba kham heh ha ka jait kaba kham bun paid, bad ïa ka bynta kaba kham rit ha ka jait kaba kham duna paid.”

JINGKHEIÑ 33:54

Ïasam ïa ka jaka hapdeng ki jait bad ki kur da kaba shu kynting sbai, da kaba ai ka jaka kaba heh sha ka kur kaba bun paid bad ka jaka kaba rit sha ka kur kaba duna paid.

JOSHUA 15:63

Hynrei ki paid Judah kim shym la lah ban beh noh ïa ki Jebus kiba shong ha Jerusalem. Ki Jebus ki dang shong dang sah hangta lem bad ki paid Judah.

JOSHUA 15:8

bad artet lyngba ka Them Hinnom ter ter sha ka phang bashathie jong u lum ha kaba don ka nongbah Jerusalem jong ki Jebus. Nangta u pud u kiew artet sha ka kliar u lum ha ka phang sepngi jong ka Them Hinnom, ha ka tduh bashatei jong ka Them Rephaim.

JOSHUA 18:16

Nangta u hiar arsut shaduh trai jong u lum na uba lah ban ïohi ïa ka Them Hinnom, ha ka tduh kaba shaphang shatei jong ka Them Rephaim. Nangta u suh arsut lyngba ka Them Hinnom, shathie na ka sharing lum jong ka Jebus, sha ka Enrogel.

JOSHUA 18:27

ka Rekem, ka Irpeel, ka Taralah,

JOSHUA 19:1

Ka jingsam kaba ar ka long na ka bynta ki longïing na ka jait Simeon. Ka jaka jong ki ka ïar shaduh ka ri kaba la ai ha ka jait Judah.

NONGBISHAR 1:21

Hynrei ki briew na ka jait Benjamin kim shym la beh noh ïa ki Jebus kiba shong basah ha Jerusalem, bad ki Jebus ki dang shong hangta bad ki paid Benjamin naduh kata ka por.

NONGBISHAR 19:10

Uta u briew um treh shuh ban sah ha kata ka miet, kumta ma u bad ka tnga kliar jong u ki sdang ïa ka jingleit jong ki, ryngkat bad u shakri jong ki bad kita ki kada ar tylli kiba kit jingkit ha ki jin. Ka sngi ka la jan sep haba ki wan poi hajan Jebus (kata ka dei ka Jerusalem), kumta u shakri u ong ha la u kynrad, “Balei ngim sangeh ban sahmiet ha kane ka nongbah ki Jebus?”

1 SAMUEL 10:26

U Saul ruh u leit phai sha la ïing ha Gibeah. Katto katne ki rangbah kiba khlaiñ ryngkat bad ki nongïapom kiba U Blei u la ktah ïa ki dohnud jong ki, ki la leit lang bad u.