JOSHUA 18:16 - Khasi CL Bible (BSI)

¹⁶ Nangta u hiar arsut shaduh trai jong u lum na uba lah ban ïohi ïa ka Them Hinnom, ha ka tduh kaba shaphang shatei jong ka Them Rephaim. Nangta u suh arsut lyngba ka Them Hinnom, shathie na ka sharing lum jong ka Jebus, sha ka Enrogel.

KA BAIBL

¹⁶ bad ka pud ka la hiar sha ka bakut uta u lum uba ha pyrshah ka them u khun u Hinnom, kaba ha ka them ki Rephaim shaphang shatei; bad ka la hiar sha ka them u Hinnom, markhap ki Jebus shaphang shathie, bad ka la hiar sha En-rogel;

JOSHUA 18:16 ပူးပေါင်းရင်းမြစ်များ

2 SAMUEL 17:17

U Jonathan, u khun jong u Abiathar, bad u Ahimaas, u khun jong u Sadok, ki dang ap hajan ka umpohliew Enrogel, kaba ha rudnong jong ka Jerusalem, namar kim nud ban rung shapoh ka nongbah ïoh don ba ïohi ïa ki. Kawei ka shakri kynthei ka ju leit ïathuh ha ki ïa kaei kaba jia, bad ki pat ki ju leit ïathuh ha u Syiem Dabid.

2 SAMUEL 5:18

Ki Philistia ki la poi ha ka Them Rephaim bad ki ïohknieh ïa ka.

1 SYIEM 1:9

Ha kawei ka sngi, U Adonijah u ai ka jingkñia da ki langbrot, ki masi dab, bad ki khun masi ba la pynsngaid ha u Mawsiang Bseiñ, hajan ka umpohliew Enrogel. U la khot sngewbha ïa kiwei pat ki khun shynrang jong U Syiem Dabid bad ïa ki rangbah synshar jong u syiem kiba dei na Judah ban wan sha kane ka jingkhawai ai jingkñia,

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

1 KHRONIKL 14:9

Ki Philistia ki poi ha ka Them Rephaim bad sdang ban lute.

2 KHRONIKL 28:3

u thang jingiwbih ha ka Them Hinnom, bad u kñia wat ïa la ki jong ki khun shynrang kum ki jingainguh thang ïa ki bleithaw, da kaba bud ïa ka jingleh ba-ijli jong ki jaitbynriew ïa kiba U Trai u la beh noh na ka ri katba ki Israel ki nang tur shaphrang.

2 KHRONIKL 33:6

U kñia ïa la ki khun shynrang ha ka Them Hinnom kum ki jingainguh thang. U leh ïa ki jingkhan bad ki jingleh myntor bad u wad jingmut na ki nongbatai kupar bad ki nongleh byrtong. U leh pop palat pyrshah ïa U Trai bad u pynkhih ïa ka jingbitar jong U.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

JEREMAÏAH 19:11

bad ban ïathuh ïa ki ba U Trai Badonbor Baroh u la lah ong, “Ngan pynpait ïa kane ka jaitbynriew bad ïa kane ka nongbah, bad kan long kum une u khra khyndew ba la pait u bym lah ban pyndait pat. Ki briew kin tep ïa kiba ïap jong ki ha Topheth namar yn ym don hangno hangno hawei pat ban tep ïa ki.

JEREMAÏAH 19:2

bad ban leit lyngba ka Khyrdop Khra-pait shabar sha ka Them Hinnom. Hangta nga dei ban pynbna ïa ka khubor kaba un ai ha nga.

JEREMAÏAH 19:6

Kumta te, ka por kan wan haba ïa kane ka jaka yn ym khot shuh ka Topheth lane ka Them Hinnom. Pynban yn tip ïa ka kum ka Them ka Jingpynïap.

JEREMAÏAH 32:35

Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

JOSHUA 15:63

Hynrei ki paid Judah kim shym la lah ban beh noh ïa ki Jebus kiba shong ha Jerusalem. Ki Jebus ki dang shong dang sah hangta lem bad ki paid Judah.

JOSHUA 18:28

ka Sela, ka Haeleph, ka Jebus (lane ka Jerusalem), ka Gibeah, bad ka Kiriath Jearim: khatsaw tylli ki nongbah, lem bad ki nongrit sawdong jong ki. Kane ka long ka ri kaba ki longïing na ka jait Benjamin ki la ïohpdiang kum ka jingïohkynti jong ki.

NONGBISHAR 1:21

Hynrei ki briew na ka jait Benjamin kim shym la beh noh ïa ki Jebus kiba shong basah ha Jerusalem, bad ki Jebus ki dang shong hangta bad ki paid Benjamin naduh kata ka por.

NONGBISHAR 1:8

Ki paid Judah ki la tur ïaleh ïa ka Jerusalem bad ki kurup ïa ka. Ki pynïap ïa ki briew jong ka bad ki wiang ding ïa ka nongbah.

NONGBISHAR 19:10

Uta u briew um treh shuh ban sah ha kata ka miet, kumta ma u bad ka tnga kliar jong u ki sdang ïa ka jingleit jong ki, ryngkat bad u shakri jong ki bad kita ki kada ar tylli kiba kit jingkit ha ki jin. Ka sngi ka la jan sep haba ki wan poi hajan Jebus (kata ka dei ka Jerusalem), kumta u shakri u ong ha la u kynrad, “Balei ngim sangeh ban sahmiet ha kane ka nongbah ki Jebus?”