JOSHUA 18:1 - Khasi CL Bible (BSI)

¹ Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.

KA BAIBL

¹ Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.

JOSHUA 18:1 ပူးပေါင်းရင်းမြစ်များ

2 SAMUEL 7:6

Naduh ka por ba nga la pyllait ïa ki paid Israel na Ijipt haduh mynta, ngam pat ju shong ha ka templ; nga la leit kylleng kylleng da kaba shong ha ka ïingjaiñ.

1 SYIEM 14:2

U Jeroboam u ong ha la ka tnga, “Da riam pher ïa lade ban ym don ba ithuh ïa phi bad leit sha Shiloh, ha kaba u Ahijah u nongïathuhlypa u shong u sah, uta uba ong ba ngan sa long u syiem ki Israel.

1 SYIEM 14:4

Kumta ka leit sha ka ïing jong u Ahijah ha Shiloh. Ka jinglong tymmen ka la pynlong ïa u Ahijah ban matlah.

1 SYIEM 2:27

Nangta u Solomon u la pynkut noh ïa u Abiathar na kaba shakri kum u lyngdoh jong U Trai, bad kumta u la pynurlong ïa kaei kaba U Trai u la ong ha Shiloh shaphang u Eli, u lyngdoh bad ki khun ki ksiew jong u.

NEHEMAÏAH 9:24

Ki la jop ïa ka ri Kanaan; me la jop ïa ki briew kiba shong hangta. Me la ai ïa ki briew jong me ka bor ban leh ïa kaba ki sngewbha bad ki briew bad ki syiem ka Kanaan.

SALM 78:60

U la iehnoh ïa ka ïingjaiñ jong u ha Shiloh, ka ïing ha kaba u la shong hapdeng jong ngi.

SALM 78:66

U la beh krad ïa ki nongshun jong u ha ka jingshahjop kaba neh bad kaba sngewlehrain.

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 26:9

Balei ba me la kren ha ka kyrteng jong U Trai ba kane ka Templ kan long kum ka Shiloh bad ba ïa kane ka nongbah yn pynjot bad yn ym don bashong ba sah hangta?” Nangta ki briew ki ïalum sawdong ïa nga.

JINGKHEIÑ 32:22

bad shim kynti ïa ka ri. Hadien kata, phi lah ban wan phai, namar phi la pyndep ïa ka kamram jong phi sha U Trai bad sha kiwei pat ki para Israel. Te U Trai un pynskhem ba kane ka ri sha mihngi jong ka Jordan ka dei ka jong phi.

KI KAM 7:45

Hadien, ki kpa tymmen jong ngi kiba la ïohpdiang ïa ka ïingjaiñ na ki kpa jong ki, ki la bah ïa ka lem bad ki haba ki la leit bad u Joshua bad shimti ïa ka ri na ki jaitbynriew kiba U Blei u la beh katba ki nang tur sha khmat. Bad ka la don hangta haduh ka por jong u Dabid.

JOSHUA 18:2

Dang don sa hynñiew jait jong ki paid Israel ki bym pat ïoh ïa la ka bhah jong ka ri.

JOSHUA 18:8

Ki rangbah ki la leit ban jurip ïa ka ri hadien ba u Joshua u la ai ha ki ïa kine ki jingbthah: “Khie ïaid ïa ka ri baroh kawei bad jurip ïa ka, bad wan phai pat sha nga. Nangta, hangne ha Shiloh ngan ïakren bad U Trai na ka bynta jong phi da kaba kynting sbai.”

JOSHUA 19:51

U Eleasar u lyngdoh, u Joshua u khun jong u Nun, bad ki nongïalam jong ki jait Israel ki la ai ïa kine ki bynta jong ka ri da kaba kynting sbai ban ïakren ïa U Trai ha Shiloh, ha ka jaka rung sha ka Ïingjaiñ ka jingdon Ryngkat U Trai. Ha kane ka rukom ki la pyndep ka jingpynbynta ïa ka ri.

JOSHUA 21:2

Hangta ha Shiloh ha ka ri Kanaan ki ong ha ki, “U Trai u la hukum da u Moses ba dei ban ai ïa ngi ki nongbah ba ngin shong ngin sah, lem bad ki pyntha phlang sawdong jong ki na ka bynta ki jingri jong ngi.”

JOSHUA 22:12

Haba ki paid Israel ki ïohsngew ïa kane, ka kynhun baroh kawei ka la ïalumlang ha Shiloh ban ïaleh thma pyrshah ïa ki jait ba sha mihngi.

JOSHUA 22:19

Hynrei mynta, lada ka ri jong phi kam bit kam biang na ka bynta ban mane Blei ha ka, wan noh sha shiliang sha ka ri jong U Trai, ha kaba ka Ïingjaiñ jong u ka ïeng. Kam kynti katto katne ka jaka hapdeng jong ngi. Hynrei wat ïaleh pyrshah ïa U Trai, lane pynlong ïa ngi ki nongïaleh pyrshah da kaba tei ka duwan nalor ka duwan U Trai U Blei jong ngi.

JOSHUA 22:9

Kumta ki paidbah jong ki jait Reuben, Gad, bad Manasseh ba sha Mihngi ki la leit phai pat sha ïing. Ki la iehnoh ïa kiba sah jong u paid Israel ha Shiloh ha ka ri Kanaan bad ki la mihnoh sha la ka jong ka ri, ka ri Gilead, ha kaba ki la lah shim kumba U Trai u la hukum ïa ki lyngba u Moses.

NONGBISHAR 18:31

Ka bleithaw u Mikah ka ïaisah hangta ha kaba ka Ïingjaiñ ba mane ïa U Blei ka dang sah ha Shiloh.

NONGBISHAR 21:12

Hapdeng ki briew ha Jabesh ki lap sawspah ngut ki theisotti, kumta ki wan ïalam ïa ki sha ka jaka shong dara ha Shiloh, kaba don ha ka ri Kanaan.

NONGBISHAR 21:19

Nangta ki ïa-pyrkhat, “Ka Jingkhawai Niam kaba shisien shisnem ha U Trai ha Shiloh shen ka la wan poi.” (Ka Shiloh ka don shatei na Bethel, shathie na Lebonah, bad sha mihngi na ka lynti bah hapdeng ka Bethel bad ka Shekhem.)

1 SAMUEL 1:24

Hadien ba ka la pyniehnoh buiñ ïa u, ka leit ïalam ïa u sha Shiloh ryngkat bad uwei u masi uba dang lai snem, shiphew kilo u 'purew, bad shi pla snieh ka waiñ. Ka ïalam ïa u Samuel, wat la u dang khynnah eh, sha ka ïing U Trai ha Shiloh.

1 SAMUEL 1:3

Man ka snem, u Elkanah u mih na Ramah ban leit mane bad kñia ïa ki jingainguh ha U Trai Badonbor Baroh ha Shiloh; ha kaba u Hophni bad u Phinehas, ki ar ngut ki khun shynrang u Eli, ki long ki lyngdoh jong U Trai.