JOSHUA 17:1 - Khasi CL Bible (BSI)

¹ Shi bynta jong ka ri ha ka phang sepngi jong ka Jordan la ai ha ki katto katne ki longïing kiba hiarpateng na u Manasseh, u khun nyngkong jong u Joseph. U Makhir, u kpa jong u Gilead, u dei u khun nyngkong jong u Manasseh bad u khla-ka-wait uba pawnam; kumta ïa ka Gilead bad ka Bashan, ha ka phang mihngi ka Jordan, la ai ha u.

KA BAIBL

¹ Te kane ka la long ka bynta ïa ka jaid u Manasseh; namar u la long u khun nyngkong u Joseph. Te u Makhir, u khun nyngkong u Manasseh u kpa u Gilead, namar ba u la long u riewïapom, u la ïoh ïa ka Gilead bad ïa ka Bashan.

JOSHUA 17:1 ပူးပေါင်းရင်းမြစ်များ

JENESIS 41:51

U Joseph u ong, “U Blei u la pynlong ïa nga ban klet ïa ki jingshah shitom baroh bad ïa baroh ki ba-ha-ïing ha-sem jong i pa jong nga”; kumta u la khot kyrteng ïa uba nyngkong, u Manasseh.

JENESIS 41:52

U ong ruh, “U Blei u la ai khun ïa nga ha ka ri ba nga shah jynjar”; kumta u la khot kyrteng ïa u khun ba ar, u Ephraim.

JENESIS 46:20

Ha Ijipt u Joseph u la ïoh ar ngut ki khun shynrang, u Manasseh bad u Ephraim, na ka Asenath ka khun jong u Potiphera, u lyngdoh ha ka Heliopolis.

JENESIS 48:17

U Joseph um sngewtynnat haba u ïohi ïa u kpa jong u ba u buh ïa la ka kti kamon ha ka khlieh u Ephraim; kumta u bat ïa ka kti u kpa jong u ban pynkynriah ïa ka na ka khlieh u Ephraim sha ka khlieh u Manasseh.

JENESIS 48:18

U ong ha la u kpa, “Pa, ym dei kumto. Une uba nyngkong; buh ïa ka kti kamon jong phi ha ka khlieh jong u.”

JENESIS 50:23

U la im haduh ba u da ïohi ïa ki khun bad ki ksiew jong u Ephraim, bad haduh ba u da ïohpdiang ïa ki khun jong u Makhir, u khun jong u Manasseh.

2 SAMUEL 2:9

Hangta u Abner u thung ïa u Ishbosheth kum u syiem jong ki ri ha Gilead, Asher, Jesreel, Ephraim, bad Benjamin, bad shisha halor ka Israel baroh kawei.

1 KHRONIKL 2:23

Hynrei ki hima Geshur bad Aram ki la jop ïa ki hynriewphew tylli ki shnong hangta, kynthup ïa ki nongrit Jair bad Kenath, bad ki shnong kiba marjan. Baroh ki briew kiba shong hangta ki long ki khun ki ksiew jong u Makhir, u kpa jong u Gilead.

ESEKIEL 47:13

U Trai Nongsynshar u la ong, “Kine ki long ki pud ki sam jong ka ri ïa kaba yn bynta hapdeng ki khat-ar jait, ha kaba ka jait u Joseph kan ïoh ar bynta.

JINGKHEIÑ 26:29

Ka jait Manasseh: u Makhir u khun jong u Manasseh, u dei u kpa jong u Gilead, bad kine ki kur ki hiarpateng na u Gilead:

JINGKHEIÑ 27:1

Ka Mahlah, ka Noah, ka Hoglah, ka Milkah, bad ka Tirsah, ki long ki khun kynthei jong u Selophehad u khun jong u Hepher, u khun jong u Gilead, u khun jong u Makhir, u khun jong u Manasseh, u khun jong u Joseph.

JINGKHEIÑ 32:33

Kumta u Moses u la ai ha ki jait Gad bad Reuben, bad ha ka shiteng na ka jait Manasseh ïa ka hima jong u Syiem Sihon jong ki Amor bad ïa ka hima u syiem Og jong ka Bashan, kynthup ïa ki shnong bad ki jaka sawdong jong ki.

DEUTERONOMI 21:17

U dei ban ai ar bynta na ka spah ka phew jong u ha la u khun nyngkong, wat la um dei u khun na ka tnga ba u kham ieit. U dei ban ai ha la u khun nyngkong ïa ka hok kaba u dei ban ïoh.

JOSHUA 17:2

Ïa ka jaka ha ka phang sepngi jong ka Jordan la ai ïa ki longïing kiba sah na ka jait Manasseh: u Abieser, u Helek, u Asriel, u Shekhem, u Hepher, bad u Shemida. Kine ki long ki khun ki ksiew shynrang jong u Manasseh, u khun jong u Joseph bad ki long ki khlieh jong ki longïing.

NONGBISHAR 5:14

Ki la wan na Ephraim sha ka them, Hadien ka jait Benjamin bad ki briew jong ka. Ki nongai hukum ki la wan hiar na Makhir, Ki rangbah pynïaidkam na Sebulun.