JOSHUA 15:8 - Khasi CL Bible (BSI)

⁸ bad artet lyngba ka Them Hinnom ter ter sha ka phang bashathie jong u lum ha kaba don ka nongbah Jerusalem jong ki Jebus. Nangta u pud u kiew artet sha ka kliar u lum ha ka phang sepngi jong ka Them Hinnom, ha ka tduh bashatei jong ka Them Rephaim.

KA BAIBL

⁸ bad ka pud ka la kiew artet ïa ka them u khun u Hinnom ha ka liang kaba shaphang shathie ki Jebus (kata ka long “ka Jerusalem”): bad ka pud ka la leit kiew sha kliar uta u lum uba ha khmat ka them Hinnom shaphang sepngi, kaba don ha ka bakut ka them Rephaim shaphang shatei:

JOSHUA 15:8 ပူးပေါင်းရင်းမြစ်များ

2 SAMUEL 5:18

Ki Philistia ki la poi ha ka Them Rephaim bad ki ïohknieh ïa ka.

2 SAMUEL 5:22

Nangta ki Philistia ki leit phai pat sha ka Them Rephaim bad ki knieh biang ïa ka.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

1 KHRONIKL 11:4

U syiem Dabid bad baroh ki Israel ki leit bad tur ïaleh ïa ka nongbah Jerusalem. Ha kata ka por la tip ïa ka kum ka Jebus, bad ki nong Jebus, ki traishnong jong kata ka ri, ki dang sah hangta.

2 KHRONIKL 28:3

u thang jingiwbih ha ka Them Hinnom, bad u kñia wat ïa la ki jong ki khun shynrang kum ki jingainguh thang ïa ki bleithaw, da kaba bud ïa ka jingleh ba-ijli jong ki jaitbynriew ïa kiba U Trai u la beh noh na ka ri katba ki Israel ki nang tur shaphrang.

NEHEMAÏAH 11:30

ha Sanoah, ha Adullam, bad ha ki nongrit hajan kine ki shnong. Ki shong ki sah ha Lakhish bad ha ki jaka rep kiba hajan, bad ha Asekah bad ki nongrit jong ka. Kata ka long kum ban ong, ki briew jong ka Judah ki shong ki sah ha ka ri hapdeng ka Beersheba shaphang shathie bad ka Them Hinnom shaphang shatei.

ISAÏAH 17:5

Ka Israel kan long kum ka lyngkha ha kaba ïa u riewhadem la ot bad la kheit, kan kynjah kum ka lyngkha ha ka Them Rephaim haba la pynsah lyngkhuit ïa ka.

JEREMAÏAH 19:14

Nangta nga la iehnoh ïa ka Topheth, ha kaba U Trai u la phah ïa nga ban pynbna ïa ka khubor jong u. Nga la leit bad ïeng hapoh ka phyllaw jong ka Templ bad ïathuh ha ki briew baroh

JEREMAÏAH 19:2

bad ban leit lyngba ka Khyrdop Khra-pait shabar sha ka Them Hinnom. Hangta nga dei ban pynbna ïa ka khubor kaba un ai ha nga.

JEREMAÏAH 19:6

Kumta te, ka por kan wan haba ïa kane ka jaka yn ym khot shuh ka Topheth lane ka Them Hinnom. Pynban yn tip ïa ka kum ka Them ka Jingpynïap.

JOSHUA 15:63

Hynrei ki paid Judah kim shym la lah ban beh noh ïa ki Jebus kiba shong ha Jerusalem. Ki Jebus ki dang shong dang sah hangta lem bad ki paid Judah.

JOSHUA 18:16

Nangta u hiar arsut shaduh trai jong u lum na uba lah ban ïohi ïa ka Them Hinnom, ha ka tduh kaba shaphang shatei jong ka Them Rephaim. Nangta u suh arsut lyngba ka Them Hinnom, shathie na ka sharing lum jong ka Jebus, sha ka Enrogel.

JOSHUA 18:28

ka Sela, ka Haeleph, ka Jebus (lane ka Jerusalem), ka Gibeah, bad ka Kiriath Jearim: khatsaw tylli ki nongbah, lem bad ki nongrit sawdong jong ki. Kane ka long ka ri kaba ki longïing na ka jait Benjamin ki la ïohpdiang kum ka jingïohkynti jong ki.

NONGBISHAR 1:21

Hynrei ki briew na ka jait Benjamin kim shym la beh noh ïa ki Jebus kiba shong basah ha Jerusalem, bad ki Jebus ki dang shong hangta bad ki paid Benjamin naduh kata ka por.

NONGBISHAR 1:8

Ki paid Judah ki la tur ïaleh ïa ka Jerusalem bad ki kurup ïa ka. Ki pynïap ïa ki briew jong ka bad ki wiang ding ïa ka nongbah.

NONGBISHAR 19:10

Uta u briew um treh shuh ban sah ha kata ka miet, kumta ma u bad ka tnga kliar jong u ki sdang ïa ka jingleit jong ki, ryngkat bad u shakri jong ki bad kita ki kada ar tylli kiba kit jingkit ha ki jin. Ka sngi ka la jan sep haba ki wan poi hajan Jebus (kata ka dei ka Jerusalem), kumta u shakri u ong ha la u kynrad, “Balei ngim sangeh ban sahmiet ha kane ka nongbah ki Jebus?”