JOSHUA 14:3 - Khasi CL Bible (BSI)

^3-4 U Moses u la dep ai ïa ka ri ha ka phang mihngi jong ka Jordan ha kiwei pat ki ar jait bad shiteng jong kawei jait. (Ïa kiba hiarpateng na u Joseph la bynta ha ki ar jait: Manasseh bad Ephraim.) Wat la katta, u Moses um shym la ai kano kano ka bynta jong ka jaka ïa ki Lebi. Tangba, ki la ïoh ïa ki nongbah ban shong ban sah, lem bad ki pyntha na ka bynta ki jingri jong ki.

KA BAIBL

³ Naba u Moses u la lah ai ka ri kynti jong kita ki ar jaid shiteng ha kata kawei ka liang ka Jordan: hynrei, ha ki Lebi um shym ai ri kynti hapdeng jong ki.

JOSHUA 14:3 ပူးပေါင်းရင်းမြစ်များ

ESEKIEL 45:1

Haba ïa ka ri la phiah ban ai bynta ha kawei pa kawei ka jait, ïa kawei ka bynta yn pynkyntang sha U Trai. Ka dei ban long khat-ar kilomitar shiteng ka lynter bad shiphew kilomitar ka pyngkiang. Ka jaka baroh kawei kan long kaba khuid.

JOSHUA 12:6

Kine ki ar ngut ki syiem ki la shahjop ha u Moses bad ki paid Israel. U Moses, u shakri U Trai, u la ai ïa ka ri jong ki ha ka jait Reuben bad ka jait Gad, bad ha shiteng na ka jait Manasseh, ba kan long ka jingïohkynti jong ki.

JOSHUA 13:14

U Moses um shym la ai kano kano ka jaka ha ka jait Lebi. Kumba U Trai u la bthah ha u Moses, ki dei ban pdiang kum ka jingïohkynti jong ki, ïa ka bhah jong ki jingainguh ba la thang ha ka duwan sha U Trai U Blei ki Israel.

JOSHUA 13:16

Ka jaka jong ki ka ïar shaduh Aroer (ha ka tduh jong ka Them Arnon) bad ka nongbah kaba hapdeng jong kata ka them bad kynthup ïa ka jaka padun baroh sawdong ka Medeba.

JOSHUA 13:17

Ka kynthup ïa ka Heshbon bad ki nongbah baroh ha ka jaka padun: ka Dibon, ka Bamoth Baal, ka Beth Baalmeon,

JOSHUA 13:8

Ka jait Reuben bad ka jait Gad, bad kawei pat ka shiteng na ka jait Manasseh ki la ïohpdiang lypa ïa ka ri kaba u Moses, u shakri U Trai, u la ai ha ki; ka don ha ka liang mihngi jong ka wah Jordan.