JOSHUA 13:9 - Khasi CL Bible (BSI)

⁹ Ka ri jong ki ïar shaduh Aroer (ha ka tduh jong ka Them Arnon) bad ka nongbah kaba hapdeng jong kata ka them bad kaba kynthup ïa ka jaka padun baroh na Medeba shaduh Dibon.

KA BAIBL

⁹ naduh Aroer, kaba long ha ka rud ka them Arnon, bad kata ka shnong kaba hapdeng kata ka them, bad ka madan Medeba baroh haduh Dibon;

JOSHUA 13:9 ပူးပေါင်းရင်းမြစ်များ

2 SAMUEL 24:5

Ki la jam ïa ka Jordan bad ki la sher dara ha ka phang bashathie jong ka Aroer, ka nongbah kaba don hapdeng jong ka them, ha ka ri ki Gad. Na kata ka jaka ki la leit shaphang shatei sha Jaser;

1 KHRONIKL 19:7

Ki laiphew ar hajar tylli ki kali ïapom kiba ki wai bad ka kynhun shipai u syiem Maakah ki wan sher dara hajan ka Medeba. Ki Ammon ruh ki wan na baroh ki nongbah jong ki bad ki long kiba la kloi ban ïaleh.

NEHEMAÏAH 11:25

Bun na ki briew ki shong ki sah ha ki shnong hajan ki jaka rep. Kito kiba long na ka jait Judah ki shong ki sah ha Kiriath Arba, Dibon, bad Jekabseel, bad ha ki nongrit hajan kine ki nongbah.

ISAÏAH 15:2

Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

JEREMAÏAH 48:18

Phi kiba shong ha Dibon, to hiar noh na ka jaka badonburom jong phi bad shong ha khyndew ha u pui pui; u nongpynjot ka Moab u don hangne bad u la ieh ïa ki kut jong ka ha ki jingjot.

JEREMAÏAH 48:22

Dibon, Nebo, Beth Diblathaim,

JEREMAÏAH 48:8

Yn ym don kawei ruh ka shnong ka ban lait na ka jingpynjot; ki ri them bad ki ri thor kin shah pynjot. Ma nga, U Trai, nga la kren.

JINGKHEIÑ 21:30

Hynrei mynta ïa ki khun ki ksiew jong ki la shah pynjot, Shi lynter naduh Heshbon haduh Dibon, Naduh Nashim haduh Nophah, hajan ka Medeba.”

DEUTERONOMI 2:36

U Trai U Blei jong ngi u la shah ba ngin ïohknieh ïa ki shnong baroh naduh Aroer kaba harud ka Them Arnon, bad ïa ka nongbah hapdeng kata ka them, haduh Gilead. Ym don kawei ruh ka shnong ïa kaba ngim shym jop.

DEUTERONOMI 3:12

“Ynda ngi la kam kynti ïa kata ka ri, nga ai ha ki jait Reuben bad ki jait Gad ïa ka jaka kaba shatei na ka shnong Aroer hajan ka wah Arnon bad shiteng na ka ri lum Gilead lem bad ki shnong jong ka.

DEUTERONOMI 3:16

Ha ki jait Reuben bad ki jait Gad nga ai ïa kata ka ri kaba naduh Gilead haduh ka wah Arnon. U pud uba shaphang shathie u long napdeng jong kata ka wah, bad u pud uba shaphang shatei pat u long ka wah Jabbok; kaba shi bynta na kata ka pynlong ruh ïa u pud ki Ammon.

JOSHUA 12:2

Uwei u dei u Sihon, u syiem Amor uba synshar ha Heshbon. Ka hima jong u ka kynthup shiteng jong ka Gilead: naduh Aroer (ha ka tduh jong ka Them Arnon) bad na ka nongbah kaba hapdeng jong kata ka them, shaduh ka wah Jabbok, ka khappud jong ki Ammon;

JOSHUA 13:10

Ka kner shaduh ka khappud jong ka Ammon bad kynthup ïa ki nongbah baroh kiba la synshar da u Sihon u syiem ka Amor, uba la synshar ha Heshbon.

JOSHUA 13:16

Ka jaka jong ki ka ïar shaduh Aroer (ha ka tduh jong ka Them Arnon) bad ka nongbah kaba hapdeng jong kata ka them bad kynthup ïa ka jaka padun baroh sawdong ka Medeba.

JOSHUA 13:8

Ka jait Reuben bad ka jait Gad, bad kawei pat ka shiteng na ka jait Manasseh ki la ïohpdiang lypa ïa ka ri kaba u Moses, u shakri U Trai, u la ai ha ki; ka don ha ka liang mihngi jong ka wah Jordan.