JOSHUA 13:8 - Khasi CL Bible (BSI)

⁸ Ka jait Reuben bad ka jait Gad, bad kawei pat ka shiteng na ka jait Manasseh ki la ïohpdiang lypa ïa ka ri kaba u Moses, u shakri U Trai, u la ai ha ki; ka don ha ka liang mihngi jong ka wah Jordan.

KA BAIBL

⁸ Lem bad u, ki Reuben bad ki Gad ki la ïoh ïa la ka ri kynti, kaba u Moses u la ai ha ki, sha shiliang ka Jordan shaphang mihngi, kumba u Moses u shakri U Trai u la ai ha ki;

JOSHUA 13:8 ပူးပေါင်းရင်းမြစ်များ

JINGKHEIÑ 32:19

Ngin ym shim kynti ïa kano kano ka jingdon jingem hapdeng jong ki ha kawei pat ka liang jong ka Jordan, namar ngi la ïohpdiang ïa la ka bhah hangne ha ka phang mihngi jong ka Jordan.”

DEUTERONOMI 3:8

“Ha kata ka por, ngi la ïohknieh na kita ki ar ngut ki syiem Amor ïa ka ri kaba sha mihngi na ka wah Jordan, naduh ka wah Arnon haduh u lum Hermon.

JOSHUA 12:1

Ki paid Israel ki la lah jop bad kam kynti ïa ka ri kaba sha mihngi jong ka Jordan, naduh ka Them Arnon haduh ka Them Jordan bad shaduh u Lum Hermon ha ka phang bashatei. Ki la jop ïa ki ar ngut ki syiem.

JOSHUA 12:6

Kine ki ar ngut ki syiem ki la shahjop ha u Moses bad ki paid Israel. U Moses, u shakri U Trai, u la ai ïa ka ri jong ki ha ka jait Reuben bad ka jait Gad, bad ha shiteng na ka jait Manasseh, ba kan long ka jingïohkynti jong ki.

JOSHUA 13:7

Mynta te, pynbynta ïa kane ka ri hapdeng kiwei pat ki khyndai jait bad ha ka shiteng na ka jait Manasseh, na ka bynta jong ki ba kin ïohkynti kum la ka jong.”

JOSHUA 13:9

Ka ri jong ki ïar shaduh Aroer (ha ka tduh jong ka Them Arnon) bad ka nongbah kaba hapdeng jong kata ka them bad kaba kynthup ïa ka jaka padun baroh na Medeba shaduh Dibon.

JOSHUA 22:4

Mynta, kumba u la kular, U Trai U Blei jong phi u la ai ka jingsuk ha kiwei pat ki para Israel. Kumta, khie leit phai noh sha ïing sha la ka ri kaba phi la kam kynti na ka bynta ïa lade, ka ri ha ka phang mihngi jong ka Jordan, kaba u Moses u shakri jong U Trai u la ai ha phi.

JOSHUA 4:12

Ki rangbah na ka jait Reuben bad ka jait Gad, bad na ka shiteng ka jait Manasseh, ki la khreh ïa ka thma, ki la jam ha shuwa jong kiba sah jong uta u paidbah, kumba u Moses u la bthah ïa ki ban leh.

1 SAMUEL 13:7

kiwei pat ki jam ïa ka wah Jordan sha ki ri Gad bad Gilead. U Saul u dang don ha Gilgal, bad ki briew kiba bad u ki la khynñiuh da ka jingsheptieng.