JOSHUA 13:13 - Khasi CL Bible (BSI)

¹³ Pynban, ki Israel kim shym beh noh ïa ki briew jong ka Geshur bad Maakah; ki dang shong ha Israel.

KA BAIBL

¹³ Pynban, ki khun Israel kim shym beh ïa ki Geshur, lymne ki Maakath; hynrei, ki Geshur bad ki Maakath ki la shong hapdeng ki Israel, haduh kane ka sngi.

JOSHUA 13:13 ပူးပေါင်းရင်းမြစ်များ

JENESIS 35:22

Katba u Jakob u dang shong dang sah ha kata ka ri, u Reuben u la ïathiah shongkha bad ka Bilhah, kawei na ki tnga kliar jong u kpa jong u. U Jakob u la tip ïa kata bad u bitar shla. U Jakob u don khat-ar ngut ki khun shynrang.

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

2 SAMUEL 3:3

u Khileab, uba ka kmie jong u ka dei ka Abigail, ka tnga jong u Nabal uba la ïap, kaba na Karmel; u Absalom, uba ka kmie jong u ka dei ka Maakah, ka khun jong u Talmai u syiem ka Geshur;

JINGKHEIÑ 33:55

Hynrei lada phim beh noh ïa ki nongshong shnong jong ka ri, kito kiba dang sah kin pynjynjar ïa phi kum ki thngiat ha ki khmat jong phi bad kum ki shiah ha ka krung jong phi, bad kin ïaleh pyrshah ïa phi.

DEUTERONOMI 3:14

U Jair, uba na ka jait Manasseh, u la kam kynti ïa ka thain Argob baroh kawei, kata ka mut ïa ka Bashan, haduh u pud jong ka Geshur bad ka Maakah. U khot ïa kine ki shnong da ka kyrteng la jong, bad haduh mynta la dang tip ïa ki kum ki shnong u Jair.)

JOSHUA 12:5

Ka hima jong u ka kynthup ïa u Lum Hermon, ka Salekah, bad ka Bashan baroh haduh ki pud jong ka Geshur bad ka Maakah, bad shiteng jong ka Gilead haduh ka ri jong u Sihon u syiem ka Heshbon.

JOSHUA 13:11

Ka kynthup ïa ka Gilead, ki thain jong ka Geshur bad ka Maakah, u Lum Hermon baroh, bad ka Bashan baroh haduh Salekah.

JOSHUA 13:12

Ka kynthup ïa ka hima jong u Og, uba khatduh jong ki Rephaim, uba la synshar ha Ashtaroth bad Edrei. U Moses u la jop ïa kine ki briew bad u la beh noh ïa ki.

JOSHUA 13:14

U Moses um shym la ai kano kano ka jaka ha ka jait Lebi. Kumba U Trai u la bthah ha u Moses, ki dei ban pdiang kum ka jingïohkynti jong ki, ïa ka bhah jong ki jingainguh ba la thang ha ka duwan sha U Trai U Blei ki Israel.

1 SAMUEL 27:8

Ha kata ka por u Dabid bad ki rangbah jong u ki ju leit hiarthma ïa ki briew jong ka Geshur, ki Girsi, bad ki Amalek, kiba la ju shong ha kata ka thain naduh mynhyndai. U ju leit lute ïa ka ri jong ki haduh Shur, baroh shi lynter lynti haduh ka ri Ijipt,