JOSHUA 12:7 - Khasi CL Bible (BSI)

⁷ U Joshua bad ki paid Israel ki la jop ïa ki syiem baroh kiba ha ka ri kaba sha sepngi jong ka Jordan, naduh Baalgad ha Them Lebanon haduh u Lum Halak ha ka phang shathie hajan Edom. U Joshua u pynïabynta ïa kane ka ri hapdeng ki jait Israel bad u ai ïa ka ha ki kum ka jingïohkynti baneh junom.

KA BAIBL

⁷ Bad kine ki long ki syiem jong kata ka ri kaba u Joshua bad ki khun Israel ki la jop, ha kane ka liang ka Jordan shaphang sepngi, naduh Baal-gad ha ka them Lebanon haduh u lum Halak, uba leit suh sha Seir; bad u Joshua u la ai ïa ka ha ki jaid Israel ban long ka bynta kat kum ki bynta jong ki;

JOSHUA 12:7 ပူးပေါင်းရင်းမြစ်များ

JENESIS 14:6

bad ïa ki Hor ha ki lumbah jong ka Edom, bad ki thwet ïa ki haduh Elparan kaba harud ka ri shyiap.

JENESIS 32:3

U Jakob u la phah ïa ki nonglamktien ha shuwa jong u sha u Iso u hynmen jong u ha ri Edom.

JENESIS 36:20

La pynïabynta ïa ki traishnong jong ka ri Edom ha ki jait kiba don ka dien hiarpateng na kine harum ki khun ki ksiew jong u Seir u nong Hor: u Lotan, u Shobal, u Sibeon, u Anah, u Dishon, u Eser, bad u Dishan.

JENESIS 36:8

Kumta u Iso u la shong la sah noh ha ka ri lum Edom.

SALM 135:11

ïa u Sihon, u syiem ki Amor, ïa u Og, u syiem ka Bashan, bad ïa baroh ki syiem ha Kanaan.

DEUTERONOMI 2:1

ngi leit phai sha ka ri shyiap shaphang ka Duriaw Basaw, kumba U Trai u la hukum, bad ngi la pynlut por slem ha kaba ïaid sakma ha ri lum Edom.

DEUTERONOMI 2:4

U la ong ïa nga ban ai ha phi ïa kine ki jinghikai: ‘Mynta phin ïaid lyngba ïa ka ri lum Edom, ka ri ki kur ki jait jong phi, ki khun ki ksiew u Iso.

JOSHUA 11:17

Ka jaka ka ïar naduh u Lum Halak ha ka phang bashathie hajan ka Edom, shaduh Baalgad ha ka phang bashatei ha ka them jong ka Lebanon shaphang shathie jong u Lum Hermon. U Joshua u la ïaleh thma slem bad ki syiem jong kane ka thain, hynrei u la kurup ïa ki baroh bad u pynïap ïa ki.

JOSHUA 11:23

U Joshua u la kurup ïa kata ka ri baroh kawei, kumba U Trai u la hukum ïa u Moses. U Joshua u la ai ïa ka ha ki Israel kum ka jong ki hi bad u la pynbynta ïa ka ha ki lyngkhot, kawei kawei na ka bynta kawei kawei ka jait. Kumta ki paidbah ki la shongthait na ka thma.

JOSHUA 3:17

Katba u paidbah u dang ïaid sha shiliang ha ka khyndew kaba rkhiang, ki lyngdoh kiba bah ïa ka Synduk ka Jutang U Trai ki ïeng ha ka dewryngkhiang hapdeng jong ka Jordan tad haduh ba uta u paidbah un da jam sha shiliang.

JOSHUA 9:1

Ïa ki jingjop jong ki Israel la bna ha baroh ki syiem kiba shaphang sepngi jong ka Jordan — ha ki lumrit, ha trai ki lum, bad ha ka pyntha rud duriaw jong ka Duriaw Mediterranian haduh ka Lebanon ha ka phang bashatei; kine ki dei ki syiem jong ki Hit, ki Amor, ki Kanaan, ki Peris, ki Hib, bad ki Jebus.