JOSHUA 12:5 - Khasi CL Bible (BSI)

⁵ Ka hima jong u ka kynthup ïa u Lum Hermon, ka Salekah, bad ka Bashan baroh haduh ki pud jong ka Geshur bad ka Maakah, bad shiteng jong ka Gilead haduh ka ri jong u Sihon u syiem ka Heshbon.

KA BAIBL

⁵ bad u la synshar ha u lum Hermon, bad ha Salekah, bad ha Bashan baroh, haduh ka pud ki Geshur bad ki Maakath, bad shiteng ka Gilead, ka pud u Sihon u syiem ka Heshbon.

JOSHUA 12:5 ပူးပေါင်းရင်းမြစ်များ

2 SAMUEL 13:37

U Absalom u la phet krad bad u la leit sha u Talmai, u khun jong u Ammihud, u syiem Geshur bad u la sah hangta lai snem. U Dabid u la ïambriew slem na ka bynta u Amnon u khun jong u;

2 SAMUEL 15:8

Mynba nga dang sah ha Geshur kaba ha Syria, nga la kular ïa U Trai ba lada un ïalam biang ïa nga sha Jerusalem, ngan mane ïa u ha Hebron.”

2 SAMUEL 3:3

u Khileab, uba ka kmie jong u ka dei ka Abigail, ka tnga jong u Nabal uba la ïap, kaba na Karmel; u Absalom, uba ka kmie jong u ka dei ka Maakah, ka khun jong u Talmai u syiem ka Geshur;

2 SYIEM 25:23

Haba ki rangbah synshar ka Judia bad ki shipai ki bym shym la pyndem wait ki ïohsngew shaphang kane ki wan ïasoh bad u Gedalaïah ha Mispah. Kine ki rangbah pynïaidkam ki long u Nethanaïah, u Johanan u khun jong u Kareah, u Seraïah u khun jong u Jesanaïah na Maakah.

1 KHRONIKL 5:11

Ka jait Gad ka shong ka sah ha ka phang bashatei jong ka jait Reuben ha ka ri Bashan kat haduh ka Salekah.

JEREMAÏAH 40:8

Kumta u Ishmael u khun jong u Nethanaïah, u Johanan u khun jong u Kareah, u Seraïah u khun jong u Tanhumeth, ki khun shynrang jong u Ephai na Netophah, bad u Jesanaïah na Maakah ki la leit bad la ki rangbah sha u Gedalaïah ha Mispah.

DEUTERONOMI 3:14

U Jair, uba na ka jait Manasseh, u la kam kynti ïa ka thain Argob baroh kawei, kata ka mut ïa ka Bashan, haduh u pud jong ka Geshur bad ka Maakah. U khot ïa kine ki shnong da ka kyrteng la jong, bad haduh mynta la dang tip ïa ki kum ki shnong u Jair.)

JOSHUA 11:3

U la phah ktien ruh sha ki Kanaan kiba don ha baroh arliang jong ka Jordan, sha ki Amor, sha ki Hit, sha ki Peris, bad sha ki Jebus kiba ha ka ri lum, kumjuh ruh sha ki Hib kiba shong ha trai u Lum Hermon ha ka ri Mispah.

JOSHUA 12:1

Ki paid Israel ki la lah jop bad kam kynti ïa ka ri kaba sha mihngi jong ka Jordan, naduh ka Them Arnon haduh ka Them Jordan bad shaduh u Lum Hermon ha ka phang bashatei. Ki la jop ïa ki ar ngut ki syiem.

JOSHUA 13:11

Ka kynthup ïa ka Gilead, ki thain jong ka Geshur bad ka Maakah, u Lum Hermon baroh, bad ka Bashan baroh haduh Salekah.

1 SAMUEL 27:8

Ha kata ka por u Dabid bad ki rangbah jong u ki ju leit hiarthma ïa ki briew jong ka Geshur, ki Girsi, bad ki Amalek, kiba la ju shong ha kata ka thain naduh mynhyndai. U ju leit lute ïa ka ri jong ki haduh Shur, baroh shi lynter lynti haduh ka ri Ijipt,