JOSHUA 11:8 - Khasi CL Bible (BSI)

⁸ U Trai u ai ha ki Israel ka jingjop halor jong ki; ki Israel ki tur ïaleh bad ki bad ki beh kthong ïa ki shaphang shatei haduh Misrephoth Maim bad Sidon, bad shaphang mihngi haduh ka them Mispah. Ka jingïaleh ka neh haduh ba ym don shuh uwei ruh u nongshun uba lait im.

KA BAIBL

⁸ Bad U Trai u la ai noh ïa ki ha ka kti ki Israel, ki te ki la pom ïa ki, bad ki la beh ïa ki haduh ka Sidon bah, bad haduh Misrephoth-maim, bad haduh ka them Mispeh shaphang mihngi; bad ki la pom ïa ki, haduh ba kim shym pynsah shuh uwei ruh.

JOSHUA 11:8 ပူးပေါင်းရင်းမြစ်များ

JENESIS 10:15

Ki khun shynrang jong u Kanaan — u Sidon, u khun nyngkong jong u, bad u Heth — kiba long ki kpa tymmen jong ki briew kiba kheiñ jait na ki.

JENESIS 49:13

“U Sebulun un shong harud duriaw; Ka jaka shong jong u kan long ka jakarieh ïa ki liengbah, Bad ka khyndew ka shyiap jong u kan ïar haduh Sidon.

2 SAMUEL 24:6

bad beit beit sha Gilead bad sha Kadesh ha ka ri ki Hit. Nangta ki leit sha Dan, bad na Dan ki leit shaphang sepngi sha Sidon.

ISAÏAH 23:4

Ko nongbah Sidon, pha long kaba la jahburom! Ki jingjylliew jong ka duriaw-rit bad duriaw-bah ki la kyntait ïa pha bad ki ong, “Ngam ju don kino kino ki khun. Ngam ju pynheh pynsan ïa ki khun shynrang ne ki khun kynthei.”

SEKHARAÏAH 9:2

Ka Hamath, kaba ïakhap pud bad ka Hadrakh, ka long ruh ka jong u, bad kumta ruh ki long ki nongbah Tyros bad Sidon, lem bad ki jingtbit jong ki baroh.

DEUTERONOMI 7:2

Ynda U Trai U Blei jong phi u aiti ïa kine ki briew ha phi bad phi jop ïa ki, phi dei ban pynïap lut ïa ki baroh. Wat ïateh jutang bad ki bad wat leh-isynei ïa ki.

DEUTERONOMI 9:3

Hynrei to tip mynta ba U Trai U Blei jong phi un ïaid ha shuwa jong phi kum ka ding kaba bam duh. Un jop bad pyndem ïa ki katba phi nang ïaid sha khmat, ba phi lah ban beh krad bad pynjot ïa ki kloi kloi, kumba u la kular.

JOSHUA 10:20

U Joshua bad ki rangbah jong ki Israel ki la pynïap ïa ki, wat la katto katne ki ïohlad ban shem jaka lait im hapoh ki kynroh shnong bad ba ki khlem shah pynïap.

JOSHUA 11:3

U la phah ktien ruh sha ki Kanaan kiba don ha baroh arliang jong ka Jordan, sha ki Amor, sha ki Hit, sha ki Peris, bad sha ki Jebus kiba ha ka ri lum, kumjuh ruh sha ki Hib kiba shong ha trai u Lum Hermon ha ka ri Mispah.

JOSHUA 11:7

Kumta u Joshua bad ki rangbah jong u baroh ki la tur ïaleh ïa ki ha ka por ba kim poi pyrkhat ha ka Wahduid Meron.

JOSHUA 13:6

Kane ka kynthup ïa ka ri baroh jong ki nong Sidon, kiba shong ha ka ri lum hapdeng ki lum Lebanon bad Misrephoth Maim. Ngan beh noh ïa kine ki briew katba ki Israel ki nang tur sha khmat. Me dei ban pynbynta ïa kane ka ri hapdeng ki Israel, kumba nga la hukum ïa me ban leh.

JOSHUA 19:28

ka Ebron, ka Rehob, ka Hammon, bad ka Kanah, shaduh Sidon.

JOSHUA 21:44

U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.