JOSHUA 11:21 - Khasi CL Bible (BSI)

²¹ Ha kane ka por u Joshua u la leit bad u pynduh khoit ïa ka jait ka kynja ki ramhah ba la khot kyrteng ki Anakim kiba shong basah ha ka ri lum — ha Hebron, Debir, Anab, bad ha baroh ka ri lum jong ka Judah bad ka Israel. U Joshua u la pynjot thiaw ïa ki bad ïa ki nongbah jong ki.

KA BAIBL

²¹ Ha kata ka por ruh u Joshua u la wan, bad u la pynduh ïa ki Anak na ka ri lum, na Hebron, na Debir, na Anab, bad na ka ri lum Judah baroh, bad na ka ri lum Israel baroh: u Joshua u la pynduh khoit ïa ki bad ïa ki shnong jong ki.

JOSHUA 11:21 ပူးပေါင်းရင်းမြစ်များ

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

AMOS 2:9

“Bad pynban, ko ki briew jong nga, dei na ka bynta jong phi ba nga la pynjot khoit ïa ki Amor, ki rangbah kiba jrong kat ki dieng Kedar bad kiba eh kum ki dieng Sning.

JINGKHEIÑ 13:33

bad ngi la ïohi ruh hangta ïa ki ramhah kiba hiarpateng na u Anak. Ngi la sngew ïa lade tang kum ki puit, bad kumta hi ngi la paw ha ki.”

DEUTERONOMI 1:28

Ngin ïaleit lei shata? Ngi te ngi sheptieng. Kito ki rangbah kiba ngi la phah ki ïathuh ïa ngi ba ki briew hangta ki kham khlaiñ bad kham jrong ban ïa ngi, bad ba ki shong ha ki nongbah kiba ki kynroh jong ki, ki kynjoh ïa ka suiñbneng. Ki la ïohi ruh hangta ïa ki ramhah.’

DEUTERONOMI 2:21

Ki long kiba jrong kat ki Anakim, kiba bun paid, bad kiba khlaiñ. Hynrei U Trai u la pynjot ïa ki baroh, kumta ki Ammon ki ïohknieh ïa ka ri jong ki bad ki shong hangta.

DEUTERONOMI 9:2

Ki briew pat ki long kiba radbah bad kiba jrong rynïeng; ki dei ki ramhah, bad phi la bna ba don kiba ong ba ym don mano mano uba lah ban ïeng ïaleh ïa ki.

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

JINGPYNPAW 6:2

Nga la khmih, bad hangta la don u kulai balieh. Halor jong u, u nongshong kulai u la bat ïa ka ryntieh, bad ha u la ai ïa ka pansngiat. U la shong halor jong u kum u nongjop ban jop.

NONGBISHAR 1:20

Kumba u Moses u la hukum, la ai ïa ka Hebron ha u Kaleb, uba la beh noh na ka nongbah ïa ki lai tylli ki kur kiba hiarpateng na u Anak.