JOSHUA 11:20 - Khasi CL Bible (BSI)

²⁰ U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

KA BAIBL

²⁰ Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.

JOSHUA 11:20 ပူးပေါင်းရင်းမြစ်များ

2 SAMUEL 17:14

U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

1 SYIEM 12:15

Ka long ka mon jong U Trai ban pynjia ïa kaei kaba U la kren ha u Jeroboam u khun jong u Nebat lyngba u Ahijah u nongïathuhlypa na Shiloh. Dei namar kane balei ba u syiem um shym shahshkor ïa ki paidbah.

2 KHRONIKL 22:7

U Blei u pyndonkam ïa kane ka jingleit jngoh ïa u Joram ban wanrah ka jingkyllon noh jong u Ahasaïah. Katba u Ahasaïah u dang don hangta, ma u bad u Joram ki la shah kynroi ha u briew uba kyrteng u Jehu, u khun jong u Nimshi, uba U Trai u la jied ban pynjot ïa ka longïing syiem jong u Ahab.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

EKSODOS 10:1

Nangta U Trai u ong ha u Moses, “Khie leit sha u Pharaoh. Nga la pynmutlop ïa u bad ki rangbah synshar jong u, khnang ba nga lah ban leh ïa kine ki kambah hapdeng jong ki,

EKSODOS 11:10

U Moses bad u Aaron ki la leh ïa kine ki kambah baroh ha khmat u Pharaoh, hynrei U Trai u la pynmutlop ïa u, bad um shym la shah ïa ki Israel ban mihnoh na ka ri jong u.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 14:8

U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 4:21

U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

EKSODOS 9:12

Hynrei U Trai u la pynmutlop ïa u Pharaoh bad, kumba u la lah ong, u Pharaoh um shym shahshkor ïa u Moses bad u Aaron.

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ISAÏAH 14:24

U Trai Badonbor Baroh u la smai ka jingsmai: “Kaei kaba nga la thmu kan jia. Kaei kaba nga la kut jingmut ban leh yn pyndep.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

DEUTERONOMI 2:30

“Hynrei u syiem Sihon um shah ïa ngi ban ïaid lynti na ka ri jong u. Naba U Trai U Blei jong phi u la pyneh ïa ka mynsiem jong u bad u la pynlong mutlop ïa u, khnang ba ngin ïoh jop bad shim ïa ri jong u ïa kaba ngi dang bat haduh mynta.

DEUTERONOMI 7:16

Pynjot ïa kawei pa kawei ka jaitbynriew kat ïa kaba U Trai U Blei jong phi u aiti ha phi, bad wat sngewsynei ïa ki. Wat mane ïa ki blei jong ki, namar kata kan long ka jingma ïa me.

NONGBISHAR 14:4

U kpa bad ka kmie jong u kim tip ba kane baroh ka dei na U Trai, naba U Trai u wad ka lad ban ïaleh ïa ki Philistia. Ha kata ka por ki Philistia ki synshar ïa ki Israel.

1 SAMUEL 2:25

Lada u briew u leh pop pyrshah ïa la u parabriew, U Blei u lah ban ïasaid na ka bynta jong u; hynrei mano ba lah ban ïasaid na ka bynta u briew uba leh pop pyrshah ïa U Trai?” Hynrei kim shym sngap ïa la u kpa, naba U Trai u la thmu ban pynïap ïa ki.